Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 26 ʼo ʼApelili 2010. Ko te taupau ʼo te ako ʼe ina fai anai te fakamanatu iā minuta e 20, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 1 ʼo Malesio ʼo aʼu ki te vāhaʼa ʼo te ʼaho 26 ʼo ʼApelili 2010.

1. Neʼe koteā te fakaʼuhiga ʼo te ʼu palalau ʼa Naomi ʼi tana ʼui fēnei: “Ko Sehova ʼaē neʼe ina fakalainoaʼi au pea ʼe ko te Māfimāfi ʼaē neʼe ina fakatupu ia te malaʼia”? (Lute 1:21) [w05 1/3 p. 27 pal. 2]

2. Koteā te ʼu kalitātē ʼaē neʼe maʼu e Lute ʼo tupu ai tana liliu ko “te fafine ʼe lelei ʼaupitō”? (Lute 3:11) [w05 1/3 p. 28 pal. 7]

3. Neʼe fakalotomālohiʼi feafeaʼi e te ʼu palalau ʼa Elekana ia tona ʼohoana, ʼi tana ʼui fēnei: “ ʼE mole au maʼuhiga age koa kiā koe iā tama e hogofulu?” (1 Sam. 1:8) [w90-F 15/3 p. 27 pal.  5-6]

4. He koʼē neʼe mole lelei ia te kole ʼa Iselaele ke fakanofo hona hau? (1 Sam. 8:5) [w05 15/9 p. 20 pal. 17; it-2-F p.  827 pal. 1]

5. Neʼe liliu feafeaʼi ia Samuele, ʼi tana “kua matuʼa pea mo ʼulu hina,” ko he faʼifaʼitaki ʼo ʼuhiga mo te fai hūfaki, pea koteā ʼaē ʼe fakamaʼuhigaʼi e te faʼahi ʼaia? (1 Sam. 12:2, 23) [w07 1/6 p. 31 pal. 14-15]

6. He koʼē neʼe makehe ia te agalelei ʼa Saulo ki te kau Kenite? (1 Sam. 15:6) [w05 15/3 p. 22 pal. 10]

7. Koteā ʼaē neʼe ina uga ai ia Saulo ke ina fai ia te fehuʼi ʼaenī kiā Tavite: “Tama, ko koe ko te foha ʼo ai?” (1 Sam. 17:58) [w07 1/8 p. 22 pal. 3, 5]

8. Koteā ʼaē ʼe feala ke tou ako mai te meʼa ʼaē neʼe fai e Tavite ʼi tana tau ʼaē mo te fihifihia kovi ʼi Kate? (1 Sam. 21:12, 13) [w05 15/3 p. 24 pal. 4]

9. Neʼe hā feafeaʼi ia te ʼofa pea mo te agavaivai ʼa Sonatane ʼi te temi ʼaē neʼe tonu ai ke tokoni pea mo fakalotomālohi tona kaumeʼa ko Tavite? (1 Sam. 23:17) [lv p. 28 pal. 10, kiʼi nota.]

10. Koteā te ako ʼe tou tāʼofi mai te felāveʼi ʼa Saulo pea mo te fafine fai fakalauʼakau ʼo Eni-tole? (1 Sam. 28:8-19) [w05 15/3 p. 24 pal. 7]