Polokalama ʼo Te Vāhaʼa 27 ʼo Tesepeli

VĀHAʼA ʼO TE ʼAHO 27 ʼO TESEPELI

Kātiko 122

□ Ako Tohi-Tapu ʼo Te Kōkelekāsio:

re kāp. 43 ¶19-26

□ Ako Fakateokalatike:

Lau ʼo Te Tohi-Tapu: 2 Fakamatala 25-28

Fakamanatu ʼo Te Ako Fakateokalatike

□ Fono Gāue:

Kātiko 131

5 min: Te ʼu logo. “Ko Te Kaletalio 2011 ʼe Talanoa Tāfito Ai Ki Te Tauhi Fakafāmili.” Ko he akonaki.

10 min: ʼE Tokoni Mai Ki Tatatou Minisitelio Mokā ʼe Tou Tohi He ʼu Kiʼi Manatu Fakanounou. Ko he fai palalau ʼe fakatafito ki tohi École du ministère, ʼi te pāsina 166 palakalafe 5 ʼo aʼu ki te pāsina 167 palakalafe 4. Fai he faʼifaʼitaki ʼo te tufa ʼo te māhina ʼaē kā hoa mai, ko he kaugā fai fakamafola ʼe ina fakakaukauʼi ʼaki pē hana teuteu fakanounou, pe koteā anai te ʼu palalau ʼaē kā ina fai ʼi tana minisitelio.

10 min: Ko Te ʼu ʼUlu Hina ʼe Ko He Kolona Matalelei. (Taag. 16:31) Ko he fai palalau ʼe fakatafito ki te Annuaire 2010, ʼi te pāsina 110, ʼi te ʼu palakalafe 2-4. ʼI te kua ʼosi vakaʼi ʼo te ʼu faʼifaʼitaki, fakaafe te nofoʼaki ke natou talanoa pe koteā te ʼu ako neʼe natou maʼu mai te ʼu faʼifaʼitaki ʼaia.

10 min: Tou Teuteuʼi Te Tufa ʼo Te ʼu Nusipepa ʼo Sānualio. Ko he fai palalau. Vakaʼi fakanounou ʼi he minuta e tahi peʼe lua ia he ʼu manatu ʼo te ʼu nusipepa. Filifili he ʼu ʼalatike e lua peʼe tolu, pea fakaafe te nofoʼaki ke natou fakahā he ʼu fehuʼi pea mo he ʼu vaega Tohi-Tapu ʼe feala ke fakaʼaogaʼi moʼo fakahā te ʼu nusipepa ʼaia. Fai he ʼu faʼifaʼitaki ʼo te tufa ʼo te ʼu nusipepa takitahi.

Kātiko 90