Polokalama ʼo Te Vāhaʼa 28 ʼo Fepualio

VĀHAʼA ʼO TE ʼAHO 28 ʼO FEPUALIO

Kātiko 5 Pea Mo Te Faikole

□ Ako Tohi-Tapu ʼo Te Kōkelekāsio:

wt kāp. 2 ¶12-16 Te Fakamanatu ʼi Te Fakamatala ʼAē ʼe ʼĀtakai (25 min.)

□ Ako Fakateokalatike:

Lau ʼo Te Tohi-Tapu: Esitele 1-5 (10 min.)

Fakamanatu ʼo Te Ako Fakateokalatike (20 min.)

□ Fono Gāue:

Kātiko 93

5 min: Te ʼu Logo.

10 min: Tou Palalau Ki He ʼu Manatu ʼe Lelei Mokā Tou Tala Te Logo. Ko he fai palalau ʼe fakatafito ki te tohi École du ministère, ʼi te pāsina 202. Fai he faʼifaʼitaki ʼo te ʼu manatu ʼo te palakalafe fakaʼosi, ʼo fakaʼaogaʼi te tohi ʼaē kā tou tufa anai ʼi te māhina kā haʼu.

10 min: Tou Maʼu Te ʼu Lelei Mai Te Kaupepa Tou Vakaʼi Ia Te Tohi-Tapu ʼi Te ʼAho Fuli. Ko he fai palalau ʼe fakatafito ki te ʼu ʼuluaki palalau ʼo te kaupepa Tou Vakaʼi Ia Te Tohi-Tapu—2011. Fakalotomālohi te nofoʼaki ke natou lau te vaega Fakatohi-tapu mo tona fakamatala ʼi te ʼaho fuli. Kole ki te nofoʼaki ke natou fakamatala pe ko te temi fea ʼaē ʼe natou lau ai te vaega pea mo tona fakamatala pea ʼe fua lelei feafeaʼi kiā nātou. Vakaʼi fakanounou te vaega Tohi-Tapu ki te taʼu 2011. Fai palalau ki te ʼalatike “ ʼE Mole Toe Vakaʼi Anai Te Vaega ʼo Te ʼAho Pea Mo Tona Fakamatala ʼi Te ʼu Fono Fai Fakamafola.”

10 min: Tou Teuteu Te Tufa ʼo Te ʼu Nusipepa ʼo Malesio. Ko he fai palalau. ʼI he minuta e tahi peʼe ko he ʼu minuta e lua, vakaʼi he ʼu ʼalatike ʼo te ʼu nusipepa. Filifili leva he ʼu ʼalatike e lua peʼe tolu, pea kole ki te nofoʼaki pe koteā lā he ʼu fehuʼi pea mo he ʼu vaega ʼe feala ke fakaʼaogaʼi moʼo fakahā te ʼu ʼalatike ʼaia. Fai he ʼu faʼifaʼitaki moʼo fakahā peʼe feafeaʼi lā te tufa ʼo te ʼu nusipepa takitahi.

Kātiko 33 Pea Mo Te Faikole