Polokalama ʼo Te Vāhaʼa 21 ʼo Malesio

VĀHAʼA ʼO TE ʼAHO 21 ʼO MALESIO

Kātiko 47 Pea Mo Te Faikole

□ Ako Tohi-Tapu ʼo Te Kōkelekāsio:

wt kāp. 3 ¶12-13, te fakamanatu ʼaē ʼe ʼātakai (25 min.)

□ Ako Fakateokalatike:

Lau ʼo Te Tohi-Tapu: Sopo 6-10 (10 min.)

N° 1: Sopo 8:1-22 (4 min. peʼe siʼi ifo)

N° 2: ʼE Feʼauga Pē Koa Takita Tui Kiā Sesu Kilisito Ke Haofaki Ai Kita?—rs p. 210 ¶1 (5 min.)

N° 3: ʼE Tou Lava Mulimuli Feafeaʼi Ki Te Tokoni ʼAē ʼe Tuʼu Iā Mateo 10:16? (5 min.)

□ Fono Gāue:

Kātiko 114

5 min: Te ʼu Logo.

15 min: Tou Fakaʼaogaʼi Te Tohi-Tapu Moʼo Tali Ki Te Hahaʼi. Ko he fai palalau ʼe fakatafito ki te tohi École du ministère, ʼi te ʼu pāsina 143-144. Fai he ʼu faʼifaʼitaki e lua ʼe fakahā ai he kaugā fagona ʼe ina tali ki he fehuʼi ʼe lagi feala ke fai e he tahi ʼi te telituale. ʼI te ʼuluaki faʼifaʼitaki, ʼe tali lelei te kaugā fagona kae ʼe mole ina fakaʼaogaʼi ia te Tohi-Tapu. ʼI te lua faʼifaʼitaki, ʼe ina fakaʼaogaʼi ia te Tohi-Tapu moʼo tali ki te fehuʼi. Fakaafe te nofoʼaki ke natou fakahā pe koʼē ʼe lelei age te faʼahiga fai ʼi te lua faʼifaʼitaki.

15 min: “Ko Te Tufa ʼo Te ʼu Pepa Fakaafe Ki Te ʼAho Fakamanatu ʼe Kamata ʼi Te ʼAho 2 ʼo ʼApelili.” ʼAki he ʼu fehuʼi pea mo he ʼu tali. Tufa ki te kau fai fakamafola fuli ʼi te nofoʼaki he pepa fakaafe ki te ʼAho Fakamanatu, pea vakaʼi te ʼu manatu ʼaē ʼe tuʼu ai. Fakahā lelei te ʼu fakatuʼutuʼu ʼaē kua fai ke gāueʼi te telituale kātoa. Fai he faʼifaʼitaki ʼe fakahā ai peʼe feafeaʼi te tufa ʼo te pepa fakaafe.

Kātiko 109 Pea Mo Te Faikole