Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 27 ʼo Sūnio 2011. Ko te taupau ʼo te ako ʼe ina fai anai te fakamanatu iā minuta e 20, ʼo fakatafito ki te ʼu akonaki ʼaē neʼe vakaʼi ʼi te ʼu vāhaʼa ʼo te ʼaho 2 ʼo Maio ʼo aʼu ki te vāhaʼa ʼo te ʼaho 27 ʼo Sūnio 2011.

1. Koteā te ako ʼe feala ke tou tāʼofi mai te fakamaʼua ʼaē ʼa Sehova kiā Sopo ke faikole maʼa nātou ʼaē neʼe agahala kiā ia? (Sopo 42:8) [w98 15/8 p. 30 pal. 5]

2. Koteā koa “te ʼu sākilifisio ʼo te faitotonu” ʼaē ʼe momoli e te kau Kilisitiano iā ʼaho nei? (Pes. 4:5) [w06 1/6 p. 14 pal. 9]

3. Neʼe fakatonutonuʼi feafeaʼi koa ia Tavite e tona ʼu ifiifi? (Pes. 16:7) [w04 1/12 p. 14 pal. 9]

4. ʼE lava feafeaʼi koa ke “kalagaʼi e te lagi te kolōlia ʼo te ʼAtua”? (Pes. 19:1) [w04 1/10 p. 10 pal. 8]

5. Koteā te pikipikiga ʼo te falala pea mo te lototoʼa ʼaē neʼe talanoa kiai te Hau ko Tavite iā Pesalemo 27:14? [w06 1/10 pp. 26-27 pal. 3, 6]

6. ʼE malave feafeaʼi koa ia Pesalemo 37:21 ki tatatou ʼu felōgoi pea mo totatou ʼu tehina? [w88-F 15/8 p. 17 pal. 8]

7. Koteā te ako lelei ʼe feala ke tou tāʼofi ʼi te faʼifaʼitaki ʼa te tagata Levite neʼe ʼaunofo? (Pes. 42:1-3) [w06 1/6 p. 29 pal. 3]

8. Koteā ʼaē kā tokoni mai kiā tātou ke tou fakatuputupu te manako ki te faitotonu pea mo fehiʼa ki te agakovi? (Pes. 45:7) [cf-F pp. 58-59 pal. 8-10]

9. Ko te “laumālie ʼe lotolelei” ʼo ʼai ʼaē neʼe kole e Tavite ke lagolago age ki ai? (Pes. 51:12) [w06 1/6 p. 29 pal. 10]

10. ʼE lava feafeaʼi koa ki he tagata agatonu ke liliu ia ko he fuʼu oliveto ʼi te ʼapi ʼo te ʼAtua? (Pes. 52:8) [w00 15/5 p. 29 pal. 6]