Polokalama ʼo Te Vāhaʼa 26 ʼo Sepetepeli

VĀHAʼA ʼO TE ʼAHO 26 ʼO SEPETEPELI

Kātiko 101 Pea Mo Te Faikole

□ Ako Tohi-Tapu ʼo Te Kōkelekāsio:

wt kāp. 12 ¶13-16, te fakamanatu ʼaē ʼe ʼātakai (25 min.)

□ Ako Fakateokalatike:

Lau ʼo Te Tohi-Tapu: Pesalemo 142-150 (10 min.)

N° 1: Pesalemo 144:1–145:4 (4 min. peʼe siʼi ifo)

N° 2: Neʼe Kamata Pule Koa Ia Te Puleʼaga ʼo Te ʼAtua ʼi Te ʼUluaki Sēkulō?—rs p. 341 ¶4-6 (5 min.)

N° 3: He Koʼē ʼe Tonu Ke Tou Tekeʼi Te ʼu “Gāue Fakapalatahi”?—Sake 2:1-4 (5 min.)

□ Fono Gāue:

Kātiko 56

10 min: Te ʼu Logo. Kotou palalau ki te ʼalatike “Kotou Fakaʼaogaʼi Te ʼu Kaupepa Lalahi ʼAē ʼe Malave Ki Te ʼAtamai Mo Te Loto ʼo Te Hahaʼi.” ʼE fakahā ai peʼe feafeaʼi ia he kamata ʼo he ako Tohi-Tapu ʼi te ʼuluaki Moeaki ʼo ʼOketopeli, ʼaki te ʼu ʼuluaki palalau ʼaē ʼe tuʼu ʼi te pāsina 4. Fakalotomālohiʼi te kau fai fakamafola fuli ke natou kau ki te gāue ʼaia.

10 min: Te Tali Ki ʼAkotou ʼu Fehuʼi. Ko he fai palalau. ʼE fakaʼaogaʼi ai te ʼu manatu ʼo Te Minisitelio ʼo te Puleʼaga ʼo Malesio 2005, ʼi te pāsina 4.

15 min: Tou Teuteuʼi Te Tufa ʼo Te ʼu Nusipepa ʼo ʼOketopeli. Ko he fai palalau. Iā minuta e tahi peʼe lua, vakaʼi ia te ʼu ʼalatike ʼo te ʼu nusipepa. Filifili he ʼalatike pē e tahi peʼe lua peʼe tolu, pea kole ki te nofoʼaki pe koteā te ʼu fehuʼi pea mo te ʼu vaega Tohi-Tapu ʼe feala ke fakaʼaogaʼi moʼo talanoa ki te ʼu ʼalatike ʼaia. Talu mai te tufa makehe ʼo te Réveillez-vous ! ʼo ʼOketopeli, fakaafe te nofoʼaki peʼe ko te ʼalatike fea neʼe fia lau e te hahaʼi pea neʼe feafeaʼi tatatou faʼahiga tufa. Fai he faʼifaʼitaki ʼo te tufa takitahi ʼo te ʼu nusipepa.

Kātiko 41 Pea Mo Te Faikole