Te ʼu Tonu

◼ Te tufa ʼo Malesio: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapu ʼi te temi pē ʼaē ʼe tou foaki age ki te hahaʼi ia te tohi. Kapau kua maʼu e te hahaʼi ia te tohi pea ʼe mole natou tali he ako Tohi-Tapu, kotou foaki he nusipepa ʼāfea peʼe ko he kaupepa lahi ʼo mulimuli pē ki te meʼa ʼaē ʼe ʼaoga ki te hahaʼi. ʼApelili Mo Maio: Ko Te Tule Leʼo pea mo te Réveillez-vous ! Kapau ʼe fia logo he tahi, kotou fakahā age ia te kiʼi pepa lotu ʼE Kotou Fia ʼIloʼi Koa Te Moʼoni? Pea tou faiga ke tou kamata he ako Tohi-Tapu. ʼI tatatou toe liliu ʼo ʼaʼahi te hahaʼi ʼaē neʼe ʼomai ki te ʼAho Fakamanatu, peʼe ko te tahi ʼu fakatahi Fakateokalatike, kae ʼe mole natou ʼomai putuputu ki te kōkelekāsio, tou faiga ke tou kamata he ʼu ako ʼaki te tohi Koteā ʼAē ʼe Akoʼi Moʼoni Mai ʼi Te Tohi-Tapu? Sūnio: Te tohi Koteā ʼAē ʼe Akoʼi Moʼoni Mai ʼi Te Tohi-Tapu? ʼE tou faiga tāfito anai ke tou kamata he ʼu ako Tohi-Tapuʼi te temi pē ʼaē ʼe tou foaki age ki te hahaʼi ia te tohi. Kapau kua maʼu e te hahaʼi ia te tohi pea ʼe mole natou tali he ako Tohi-Tapu, kotou foaki he nusipepa ʼāfea peʼe ko he kaupepa lahi ʼo mulimuli pē ki te meʼa ʼaē ʼe ʼaoga ki te hahaʼi.

◼ ʼE fai anai ia te ʼAho Fakamanatu ʼi te Felianima ʼaho 5 ʼo ʼApelili 2012. Kapau ʼe fono māhani tokotou kōkelekāsio ʼi te Felianima, pea ʼe tonu anai ke fai takotou fono ʼaia ʼi he tahi ʼaho ʼo te vāhaʼa, mo kapau ʼe ava te Fale ʼo Te Puleʼaga. Kapau ʼe mole feala ke fai anai takotou Fono Gāue, pea ko te ʼu koga ʼaē ʼe ʼaoga tāfito ki tokotou kōkelekāsio ʼe fai anai ʼi he tahi Fono Gāue.

◼ ʼI he fono gāue, ʼe fai anai ia te faifai palalau ki te ʼu foʼi ʼata e lua Les jeunes sʼinterrogent. . . Comment se faire de vrais amis ? pea mo te ʼata Que vais-je faire de ma vie ? Kapau ʼe ʼaoga, kotou foimo fakaʼui ʼi tokotou kōkelekāsio ia te ʼu foʼi ʼata ʼaia.