He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo ʼApelili

“Tokolahi ʼe natou fakamanatu ia te ʼaho tupu ʼo Sesu, kae ʼi tau manatu lā, ʼe maʼuhiga koa ke tou fakamanatu tona ʼaho mate?” Tuku ke fai mai hana tali. Kotou tuku age Te Tule Leʼo ʼo te ʼaho 1 ʼo ʼApelili, pea kotou vakaʼi fakatahi te ʼuluaki fehuʼi ʼi te pāsina 8 pea kotou lau age he vaega Tohi-Tapu. Kotou fakatuʼutuʼu ke kotou toe liliu ke toe hoko atu ia te fai palalau.

Te Tule Leʼo ʼaho 1 ʼo ʼApelili

“ ʼE lahi ia te ʼu lotu pea mo te faʼahiga tauhi kehekehe. ʼI tau manatu lā, ko he tahi ʼe ina ʼui ko ia ko te Kilisitiano ko hana moʼoni koa? [Tuku ke fai mai hana tali.] Ohagē pē ko tona ʼui e Sesu, koʼenī ia te fakaʼiloga ʼo te kau Kilisitiano moʼoni. [Lau age ia Soane 13:34, 35.] ʼE fakahā ʼi te nusipepa ʼaenī, ia puani e nima neʼe talanoa kiai ia Sesu ʼe tokoni mai anai ke tou ʼiloʼi ai tana ʼu tisipulo moʼoni.”

Réveillez-vous! ʼo ʼApelili

“ ʼE matou ʼaʼahi te hahaʼi ʼaki te fakatuʼutuʼu ʼaē ke matou tokoni ki te maʼuli fakafāmili. ʼI te temi nei, ko te ʼu fāmili ʼe kua natou tau mo te ʼu fihifihia. ʼE ke fakamoʼoni lā kiai? [Tuku ke fai mai hana tali. Kotou fakatokagaʼi tokolahi te ʼu fāmili neʼe natou maʼu te ʼu tokoni ʼaoga ʼaenī. [Lau age ia Pesalemo 119:105.] ʼE fakahā ʼi te nusipepa ʼaenī peʼe tokoni feafeaʼi te Tohi-Tapu ki te ʼu fāmili ʼaē neʼe toe ʼohoana ai te ʼu mātuʼa, ke natou lava tauʼi ʼonatou fihifihia ʼi tanatou mulimuli ki te ʼu pelesepeto Fakatohi-tapu.”