He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Sanualio

“ ʼE au fia mahino pe ki tau manatu. Kia koe la, ko ai te huafa ʼo te ʼAtua? [Tuku ke fai mai hana tali.] ʼE au fia lau atu pe te manatu ʼaeni.” Fakaha age te pasina fakaʼosi ʼo Te Tule Leʼo ʼo Sanualio–Malesio, pea mo vakaʼi fakatahi ia te ʼuluaki fehuʼi mo te ʼu vaega Tohi-Tapu ʼae ʼe tuʼu ai. Foaki age te ʼu nusipepa pea mo fakatuʼutuʼu mo ia ki he tahi age felogoi ʼo ʼuhiga mo te lua fehuʼi.

Te Tule Leʼo Sanualio–Malesio

“Tokolahi te hahaʼi ʼe natou palalau ʼo ʼuhiga mo te fakaʼosi ʼo te malamanei. ʼI tau manatu la, ʼe tonu koa ke tou matataku ki te fakaʼosi ʼo te malamanei? [Tuku ke fai mai hana tali.] ʼO ʼuhiga mo te fakaʼosi ʼo te malamanei, ʼe ʼi ai anai he hahaʼi ka hao ai. [Lau age ia 1 Soane 2:17.] ʼI te nusipepa ʼaeni, ʼe ke maʼu anai te ʼu tali mai te Tohi-Tapu ki te ʼu fehuʼi e fa ʼe tau fai e te hahaʼi ʼo ʼuhiga mo te fakaʼosi ʼo te malamanei.”

Réveillez-vous! ʼo Sanualio

“ ʼE matou fia vaevae mo te ʼu famili te ʼu manatu ʼe ʼaoga kia natou. ʼI tau manatu la, ʼe maʼuhiga koa ke mulimuli te ʼu famili ki te ʼu palalau ʼaeni ʼa Sesu? [Lau age te lua koga ʼo Gaue 20:35. Tuku ke fai hana tali.] ʼE faigataʼa te ako ʼo te tamaliki ke ʼaua naʼa natou manatu pe kia natou ʼi te temi ʼaeni kua manatu pe te hahaʼi kia natou totonu. ʼE talanoa te alatike ʼaeni ki he ʼu puleʼaki ʼe feala ke fakaʼaogaʼi e te ʼu matuʼā moʼo ako ʼanatou tamaliki ke natou fakamaʼuhigaʼi te hahaʼi.”