He Faʼifaʼitaki ʼo He ʼu ʼUluaki Palalau

Te Tule Leʼo ʼaho 1 ʼo Sānualio

“Neʼe kua kotou feʼekeʼaki koa pe koteā ia te tupuʼaga ʼo te lahi ʼo te ʼu tuʼutāmaki fakanātulā ʼi te temi nei? [Tuku ke fai mai hana tali.] Ko te faʼahi ʼaē ʼe lelei, he neʼe kua fakahā ʼi te Tohi-Tapu ʼe ʼi ai anai he temi ʼe ʼiloga lahi ai ia te ʼu tuʼutāmaki. [Lau age ia Mateo 24:7, 8.] ʼE tali anai ia te nusipepa ʼaenī ki te ʼu fehuʼi ʼaenī: He koʼē ʼe lahi ia te ʼu tuʼutāmaki fakanātulā ʼe tou sisio kiai iā ʼaho nei? ʼE ko he tautea koa mai te ʼAtua? Koteā ia te ʼu tupuʼaga ʼe tou tui kiai kua vave pulihi anai e te ʼAtua ia te ʼu tuʼutāmaki fakanātulā fuli?”

Réveillez-vous! ʼo Sānualio

“Ko te ʼu totogi fakafufū, mo te ʼu paʼaga ʼaē ʼe foaki fakafufū, pea mo te tahi atu ʼu faʼahiga aga fakakākā ʼe kua liliu ia ko he ʼu agamāhani, ʼe fai ʼi te ʼu fakatau koloa ʼi te mālamanei. Ko ʼihi ʼe natou manatu ʼaki he faʼahiga aga fakakākā veliveli pē ʼe ʼaoga ke kita maʼu ai he meʼa ʼi te ʼu fakatau koloa. Koteā takotou manatu kiai? [Tuku ke ina fai mai hana tali.] ʼE kotou fakatokagaʼi ʼi te Tāʼaga Lea ʼaenī, ʼe ina uga tātou ke tou fakakaukauʼi [Lau age ia Taaga Lea 20:17.] ʼI te nusipepa ʼaenī ʼe ina fakamahino mai pe koʼē ʼe ʼaoga ke tou aga fakahagatonu.”