He Faʼifaʼitaki ʼo He ʼu ʼUluaki Palalau

Te Tule Leʼo ʼaho 1 ʼo Novepeli

“ ʼE matou ʼaʼahi koutou, koteʼuhi ʼe tokolahi te hahaʼi ʼe natou tuʼania ki te kua lahi ʼo te aga faka kakā ʼi te ʼu fale gāue pea mo te faʼahi fakapolitike. Ki takotou manatu, ʼe kei ʼi ai koa he puleʼaki ki te fihifihia ʼaia? [Tuku ke fai mai hana tali.] Kotou fakatokagaʼi pe koteā ʼaē kā fai anai e Sesu maʼa nātou ʼaē ʼe tau mo te aga faka kakā. [Lau ia Pesalemo 72:12-14.] ʼE fakahā atu anai ʼi te nusipepa ʼaenī peʼe fakagata feafeaʼi anai ia te aga faka kakā.”

Réveillez-vous! ʼo Novepeli

“ ʼI te ʼaho nei, ʼe matou ʼaʼahi te hahaʼi ʼaki te fakatuʼutuʼu ʼaē ke matou tokoni ki te ʼu fāmili. Kua lahi ʼaupitō ʼi te temi nei te ʼu fāmili ʼe hala mo tamai peʼe hala mo faʼē. ʼI tau manatu lā, ʼe lahi age koa ʼonatou mamahi ʼi te ʼu fāmili ʼaē ʼe kei ʼi ai ʼanatou mātuʼa? [Tuku ke fai mai hana tali.] Tokolahi te ʼu mātuʼa iā ʼaho nei kua natou maʼu te ʼu tokoni ʼaoga ʼi te Tohi-Tapu. [Lau age ia 2 Timoteo 3:16.] ʼI te nusipepa ʼaenī, ʼe maʼu ai te ʼu tokoni maʼa te ʼu tamai pea mo te ʼu faʼē ke natou fakahoko lelei ʼonatou maʼua.”