He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Malesio

“Kua ke feʼekeʼaki koa lā pe ko ai te ʼAtua?” Tuku ke fai mai hana tali. Pea kotou lau age te ʼu palalau ʼaē ʼe tuʼu ʼi lalo ʼo te ʼuluaki fehuʼi ʼaē ʼe tohi fakamātolu ʼi te pāsina 10 pea mo te vaega Tohi-Tapu. Kotou tuku age te ʼu nusipepa, pea kotou fakatuʼutuʼu ke kotou toe liliu age moʼo vakaʼi te tali ki te fehuʼi ʼaē ʼe hoa kiai.

Réveillez-vous! ʼo Malesio

Kā kotou felāveʼi mo he tūpulaga peʼe ko he finemui, fakahā age te ʼalatike ʼaē ʼe kamata ʼi te pāsina 26. Fakahā age ia te lua kupu taki pea kotou fehuʼi age fēnei: “Kiā koa lā, ko te ʼu palalau ʼaenī ʼe moʼoni peʼe kailoa? [Tuku ke fai mai hana tali. Pea kotou lau age ia 2 Kolonito 7:1.] ʼE talanoa ia te ʼalatike ʼaenī ʼo ʼuhiga mo te ʼu meʼa ʼaē ʼe tonu ke ke ʼiloʼi ʼo ʼuhiga mo te suluka, pea mo te feafeaʼi ʼo te tuku ʼo te suluka.”

Te Tule Leʼo ʼaho 1 ʼo ʼApelili

“ ʼE kehekehe te ʼu manatu ʼa te hahaʼi ʼo ʼuhiga mo Sesu. Kiā koa lā, ko Sesu ʼe ko te ʼAlo ʼo te ʼAtua pe neʼe ko he tagata agalelei pē ia?” Tuku ke fai mai hana tali. Pea kotou lau age te tali ki he fehuʼi ʼe tohi fakamātolu ʼi te pāsina 10 ki te 11 pea mo he vaega Tohi-Tapu ʼe tuʼu ai. Kotou foaki age te ʼu nusipepa, pea mo kotou fakatuʼutuʼu ke kotou toe liliu age moʼo vakaʼi te tali ki te fehuʼi ʼaē ʼe hoa kiai.

Réveillez-vous! ʼo ʼApelili

“ ʼI tau manatu lā, ko te mate ʼo he tahi neʼe tou ʼoʼofa ai ʼe ko te ʼaluʼaga fakamamahi ʼaupitō koa ʼaia ʼaē ʼe tau mo te tagata? [Tuku ke fai mai hana tali.] Neʼe ʼaoga ia te tokoni ʼaenī ki te hahaʼi tokolahi. [Lau age ia Pesalemo 55:22.] ʼE fakahā ʼi te nusipepa ʼaenī ia te ʼu tokoni ʼaoga moʼo tauʼi ia te lotomamahi mokā mate he tahi neʼe tou ʼoʼofa ai, pea mo te feafeaʼi ʼaē ʼo hatatou tuku tatatou kavega ki te ʼAtua.”