He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Malesio

“ ʼI tau manatu, ʼe tali koa e te ʼAtua ia te ʼu lotu fuli? [Tuku ke fai mai hana tali, pea kotou lau age ia Soane 17:17.] Ko te ʼAtua ʼe ina tali ia te lotu ʼaē ʼe mole fakafeagai ki te moʼoni ʼaē ʼe tuʼu ʼi te Tohi-Tapu.” Fakahā age te ʼalatike ʼaē ʼe kamata ʼi te pāsina 8.

Réveillez-vous! ʼo Malesio

“Tokolahi ʼe natou fakaʼapaʼapa ki te Tohi-Tapu, kae kiā nātou ʼe lahi tona ʼu koga ʼe mole kei ʼaoga ki totatou temi. Koteā tau manatu ki te faʼahi ʼaia? [Tuku ke fai mai hana tali. Pea kotou lau age ia Loma 15:4.] ʼE fakamahino ʼi te ʼalatike ʼaenī pe koʼē, māʼia pē lā mo te ʼu koga ʼāfea ʼo te Tohi-Tapu ʼe kei ʼaoga pē iā ʼaho nei.” Fakahā age te ʼalatike ʼaē ʼe kamata ʼi te pāsina 28.

Te Tule Leʼo ʼaho 1 ʼo ʼApelili

“Kā tou kole ki te hahaʼi ke natou fakahā mai ia he tagata neʼe maʼuhiga ʼaupitō ʼi te hisitolia, tokolahi ʼe natou ʼui ko Sesu. ʼE fēia koa mo koe? [Tuku ke fai mai hana tali.] ʼE feala hau tokagaʼi pe koʼē ʼe tonu ke tou filifili lelei te ʼu manatu ʼaē ʼe mole felōgoi tahi ʼo ʼuhiga mo Sesu ke tou ʼiloʼi ia te moʼoni. [Lau age ia Soane 17:3.] ʼE fakahāhā ʼi te nusipepa makehe ʼaenī ia te manatu ʼa te Tohi-Tapu ʼo ʼuhiga mo Sesu mo tana ʼu akonaki.”

Réveillez-vous! ʼo ʼApelili

“ ʼE hagē ʼe mole tou maʼu he temi moʼo fakahoko ia te ʼu gāue fuli ʼaē ʼe tou loto kiai. ʼE ke manatu fēia koa mo koe? [Tuku ke fai mai hana tali.] Neʼe ʼaoga ia te tokoni ʼaenī ki te hahaʼi tokolahi. [Lau age ia Filipe 1:10.] ʼE fakahā ʼi te nusipepa ʼaenī ia te ʼu tokoni maʼuhiga moʼo fakaʼaogaʼi lelei totatou temi.”