He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Fepualio

“ ʼI te mālamanei kātoa ʼe kehekehe te manatu ʼa te hahaʼi ʼo ʼuhiga mo Malia, te faʼē ʼa Sesu. Koteā lā tau manatu ʼa koe? [Tuku ke fai mai hana tali.] ʼE fakahā ʼi te Tohi-Tapu neʼe mole he tahi age ʼi te hisitolia neʼe ina maʼu ia te tuʼulaga ʼaē neʼe maʼu e Malia. [Kotou lau age ia Luka 1:30-32.] ʼE talanoa ia te nusipepa ʼaenī ki te ʼu meʼa ʼaē ʼe feala ke tou ako mai tana faʼifaʼitaki.”

Réveillez-vous! ʼo Fepualio

“Tokolahi ʼe natou tui kua ʼosi tohi fakatomuʼa totatou maʼuli. Koteā lā tau manatu kiai? [Tuku ke fai mai hana tali.] Ohagē ko tana tuʼu ʼi te vaega ʼaenī, ʼe feala ke tou filifili te meʼa ʼaē kā tou fai. [Kotou lau age ia Teutalonome 30:19.] ʼE fakahā ʼi te ʼalatike ʼaenī ia te manatu ʼa te Tohi-Tapu pe kua ʼosi fakatuʼutuʼu fakatomuʼa koa totatou maʼuli.” Fakahā age ia te ʼalatike ʼaē ʼe kamata ʼi te pāsina 12.

Te Tule Leʼo ʼaho 1 ʼo Malesio

“Ko te ʼu toko lauʼi miliona hahaʼi ʼe natou fakaʼaogaʼi ia he ʼu pāki peʼe ko he ʼu fakatātā moʼo tauhi ki te ʼAtua, pea ko te tahi age ʼu toko lauʼi miliona hahaʼi ʼe natou manatu ʼe kovi ia te fai ʼaia. Kua ke feʼekeʼaki koa pe koteā te manatu ʼa te ʼAtua ʼo ʼuhiga mo te faʼahi ʼaia? [Tuku ke fai mai hana tali. Pea kotou lau age ia Gāue 17:29, 30.] ʼE fakahā ʼi te ʼalatike ʼaenī pe neʼe kamata feafeaʼi ia te fakaʼaogaʼi ʼo te ʼu fakatātā pea koteā ʼaē ʼe ʼui ʼi te Tohi-Tapu ʼo ʼuhiga mo te tauhi ʼaki he ʼu pāki.” Fakahā age ia te ʼalatike ʼaē ʼe kamata ʼi te pāsina 29.

Réveillez-vous! ʼo Malesio

“Tokolahi te hahaʼi ʼe natou tuʼania ʼi te temi nei ʼo ʼuhiga mo te paʼaga, tāfito ʼi te ʼu temi faigataʼa ʼaenī ʼi te faʼahi fakaekonomika. ʼE ke manatu tahi koa mo te faʼahi ʼaia? [Tuku ke fai mai hana tali.] ʼE feala ke ke tokagaʼi ia te tokoni fakapotopoto ʼaenī. [Kotou lau age ia 1 Timoteo 6:8, 10.] ʼE fakahā lelei ʼi te nusipepa ʼaenī he ʼu pelesepeto Fakatohi-tapu ʼe tokoni mai ke tou fakaʼaogaʼi fakapotopoto tatatou falā ke tokalelei ai totatou fakakaukau.”