He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApelili

“Tokolahi ʼe natou feʼekeʼaki pe neʼe ko ai moʼoni koa ia Sesu? Pe neʼe haʼu mai fea? Koteā lā tau manatu kiai? [Tuku ke fai mai hana tali.] ʼE maʼuhiga ke tou ʼiloʼi ia te moʼoni. [Lau age ia Soane 17:3.] ʼE fakahā ʼi te ʼalatike ʼaenī pe koteā ʼaē neʼe akoʼi e Sesu ʼo ʼuhiga mo ia totonu.” Fakahā age te ʼalatike ʼaē ʼe kamata ʼi te pāsina 5.

Réveilleez-vous! ʼo ʼApelili

Kotou lau age ia Pesalemo 37:9-11. Pea kotou fehuʼi age fēnei: “Kiā koe lā, ʼe feafeaʼi anai ia te mālamanei mokā hoko ia te ʼu folafola ʼaenī? [Tuku ke fai mai hana tali.] ʼE talanoa ia te ʼalatike ʼaenī ki te lea fakapolofetā fakalotomālohi ʼaenī pea mo fakamahino mai pe koʼē ʼe tou sio iā ʼaho nei ki te toe agakovi lahi fēia ʼi te mālamanei.” Fakahā age te ʼalatike ʼaē ʼe kamata ʼi te pāsina 20.

Te Tule Leʼo ʼaho 1 ʼo Maio

“Kiā koe lā ko te Tohi-Tapu ʼe ko te Folafola koa ʼa te ʼAtua, peʼe ko he tohi pē ia ʼe lelei? [Tuku ke fai mai hana tali.] ʼE feala ke ke tokagaʼi te ʼu palalau ʼaenī ʼe tuʼu ʼi te Tohi-Tapu. [Lau age ia 2 Timoteo 3:16, 17.] ʼE talanoa ʼi te nusipepa ʼaenī pe feafeaʼi hatatou fai he tonu kiai ʼaki hatatou kua mahino lelei pea he koʼē ʼe maʼuhiga ke tou fai ia te faʼahi ʼaia.”

Réveillez-vous! ʼo Maio

“Tokolahi ʼe natou fia tuku tanatou suluka kae ʼe faigataʼa ʼaupitō kiā nātou. ʼE ke ʼiloʼi he tahi ʼe ina fia tuku tana suluka? [Tuku ke fai mai hana tali.] Neʼe fua lelei ki ʼihi hahaʼi tanatou kole tokoni ki tonatou ʼu kaumeʼa pea mo tonatou fāmili. [Lau age ia Tagata Tānaki 4:12a.] ʼE fakahā ʼi te nusipepa ʼaenī ia te ʼu tokoni ʼaoga ke feala ai ki he tahi ke ina tuku tana suluka.”