He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūnio

“Kua kotou feʼekeʼaki koa peʼe feafeaʼi he puipui moʼoni ʼo tātou mai te ʼu laumālie agakovi, pea ke tou fiafia? [Tuku ke fai hana tali.] Koʼenī ia te manatu ʼe tou maʼu ʼi te Tohi-Tapu. [Lau age ia Tāʼaga Lea 18:10.]” Fakahā age te ʼalatike ʼo te pāsina 29.

Réveillez-vous! ʼo Sūnio

“Ko tātou fuli ʼe tou ʼiloʼi ni ʼu hahaʼi kua mamate. ʼI tau manatu, ʼe tonu koa ke tou mātataku naʼa lagi ʼiʼita niʼihi kiā tātou pea mo fakamamahiʼi tātou? [Tuku ke fai hana tali. Pea kotou lau age ia Tagata Tānaki 9:5, 6.] ʼE ke maʼu anai ia he fakafīmālie ʼaki te ʼalatike ʼaenī.” Fakahā age te ʼalatike ʼo te pāsina 22.

La Tule Leʼo ʼaho 1 ʼo Sūlio

“ ʼE tapuke iā ʼaho nei ia te ʼu tohi ʼe talanoa ʼo ʼuhiga mo te akoʼi fānau, mo te ʼofa, pea mo te fakahoko ʼo he ʼu gāue. ʼI tau manatu neʼe ʼi ai hona ʼaoga kiā koutou? [Tuku ke fai hana tali.] Tokolahi ʼe mole natou tokagaʼi ia te tohi ʼaenī ʼaē ʼe ina foaki mai ia te ʼu tokoni ʼe feala ke tou falala kiai. [Lau age ia 2 Timoteo 3:16.] ʼE fakahā ʼi te nusipepa ʼaenī peʼe koʼē ʼe tou lava falala ki te Tohi-Tapu pea mo ina foaki mai ia te ʼu tokoni ʼaoga ki totatou maʼuli.”

Réveillez-vous! ʼo Sūlio

“Tokolahi iā ʼaho nei ʼe natou maʼu ia te mahaki ʼaē ko te lotomamahi. ʼI tau manatu lā, ʼe tokaga moʼoni koa te ʼAtua kiā nātou ʼaē ʼe lotomamahi? [Tuku ke fai hana tali. Pea kotou lau age ia Pesalemo 34:18.] ʼE fakahā ʼi te nusipepa ʼaenī, peʼe lava maʼu feafeaʼi e nātou ʼaē ʼe lotomamahi he tokoni mai te ʼAtua, tatau aipē peʼe tonu ke natou fakaʼaogaʼi he ʼu faitoʼo. ʼE ina toe fakahā mai ia te ʼu palalau ʼaē ʼe tou lava fai moʼo fakafīmālieʼi ʼo nātou ʼaia.”