He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūlio

“Tokolahi iā tātou neʼe kua tou mamahi he neʼe liʼakina tātou peʼe kākāʼi tātou e he tahi neʼe tou falala ki ai. Ko te lotomamahi ʼaia kua hoko pē ki te hahaʼi fuli ʼi te mālama ʼaenī ʼe mole kei maʼu ai te agatonu. ʼE ʼi ai koa he tahi ʼe feala ke tou falala ki ai, kā nofo agatonu tuʼumaʼu anai kiā tātou? [Tuku ke fai mai hana tali pea kotou lau age ia Pesalemo 37:28.]” Fakahā age te ʼalatike ʼaē ʼe kamata ʼi te pāsina 29.

Réveillez-vous! ʼo Sūlio

“ ʼE tonu koa ke fakanofo pātele te hahaʼi fafine? [Tuku ke fai mai hana tali.] Koʼenī te ʼu palalau ʼaē ʼe fai ʼi te Tohi-Tapu ʼo ʼuhiga mo te hahaʼi fafine. [Lau age ia Loma 16:1.] Kae ʼe ʼui ʼi te tahi vaega ko te hahaʼi fafine ʼe tonu ke natou nonofo fakalogologo ʼi te kōkelekāsio. Koia, koteā koa te manatu ʼa te Tohi-Tapu ki te faʼahi ʼaia? ʼE fakamahino ʼi te ʼalatike ʼaenī.” Fakahā age te ʼalatike ʼaē ʼe kamata ʼi te pāsina 28.

Te Tule Leʼo ʼaho 1 ʼo ʼAukusitō

“ ʼI tau manatu, neʼe fakaʼilo koa e Sesu ia te huafa ʼo te ʼAtua? [Tuku ke fai mai hana tali, pea kotou lau age ia Soane 17:6.] Kae he koʼē e tokolahi te hahaʼi ʼe mole natou ʼiloʼi ia te huafa ʼo te ʼAtua?” Fakahā age te ʼalatike ʼaē ʼe kamata ʼi te pāsina 5.

Réveillez-vous! ʼo ʼAukusitō

“ ʼE mahino ia neʼe kua palalau atu kiā koe te kau Fakamoʼoni ʼa Sehova. Neʼe kua ke feʼekeʼaki koa pe koʼē ʼe matou ʼolo ʼi te ʼu ʼapi, logolā tomatou mole tali ʼaē e te hahaʼi fuli? [Tuku ke fai mai hana tali. Pea kotou lau age ia Mateo 24:14.] ʼE matou tokagaʼi e tokolahi te hahaʼi ʼe natou mahino hala ki te gāue ʼaē ʼe matou fai. ʼE fakamahino ʼi te nusipepa ʼaenī pe ko ai te kau Fakamoʼoni ʼa Sehova.”