He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 1 ʼo Sūlio
“ ʼI tau manatu, ko te ʼu tuʼutāmaki ʼaē ʼe hoko kiā tātou ʼe ko he fakatūʼā koa ʼaia mai te ʼAtua? [Tuku ke fai mai hana tali.] Fakatokagaʼi age muʼa ia te manatu ʼaenī, ʼe ʼui iā Senesi 2:15 [Lau age.] ʼE fakahā ʼi te vaega ʼaenī, ʼi te temi ʼaē neʼe fakatupu ai e te ʼAtua ia te ʼuluaki taumātuʼa, neʼe ina tuku nāua ki “te ʼōloto ʼo Eteni,” neʼe ko he ʼōloto ʼe hagē ko he palatiso, neʼe nā hao ai mai te ʼu tuʼutāmaki fuli. Kae ʼe haʼu koa maifea ia te ʼu tuʼutāmaki?” Fakahā age ia te ʼalatike ʼaē ʼe kamata ʼi te pāsina 18.
Réveillez-vous! ʼo Sūlio
“Tokolahi iā tātou ʼe tou loto fakafetaʼi ʼo ʼuhiga mo te ʼu meʼa ʼaē neʼe akoʼi mai kiā tātou e tatatou ʼu mātuʼa. ʼI tau manatu, ʼe ko hatatou aga heʼe fakaʼapaʼapa koa mo kapau ʼe tou vakavakaʼi ia te ʼu akonaki fakalotu ʼaē neʼe akoʼi mai talu mai tatatou kei liliki? [Tuku ke fai mai hana tali. Pea kotou lau age ia 1 Soane 4:1.] ʼE talanoa ia te ʼalatike ʼaenī peʼe kovi koa hatatou fetogi lotu?” Fakahā age ia te ʼalatike ʼaē ʼe kamata ʼi te pāsina 28.
Te Tule Leʼo ʼaho 1 ʼo ʼAukusitō
“Tokolahi te hahaʼi ʼaē ʼe ʼi ai tanatou Tohi-Tapu, ʼe faigataʼa kiā nātou hanatou mahino kiai. Neʼe mole heʼeki ke manatu fēia koa lā mo koe? [Tuku ke fai mai hana tali.] Ohagē ko tona fakahā ʼi te vaega ʼaenī, ko Ia ʼaē neʼe ina foaki mai te Tohi-Tapu ʼe ina loto ke tou mahino kiai pea mo tou maʼu ia te ʼu fua lelei mai tana Folafola ʼaia. [Lau age ia Pesalemo 119:130.] ʼE foaki ʼi te nusipepa ʼaenī iā tokoni e tolu ke feala ai ia hatatou mahino ki te Tohi-Tapu.”
Réveillez-vous! ʼo ʼAukusitō
“Tokolahi iā tātou neʼe kua tou lotomamahi ʼuhi ko he aga fakapalatahi neʼe fai mai kiā tātou. ʼI tau manatu lā, ʼe feafeaʼi te ʼAtua ʼo ʼuhiga mo te fakapalatahi? [Tuku ke fai mai hana tali. Pea kotou lau age ia Gāue 10:34, 35.] Ko te Tohi-Tapu ʼe feala ke tokoni mai, ke tou kātakiʼi mokā tou lotomamahi ʼuhi ko te fakapalatahi ʼaē ʼe fai mai kiā tātou. ʼE toe tokoni mai ke tou toʼo iā tātou ia he ʼu manatu fakapalatahi. Ko te faʼahi ʼaia ʼe fakamahino ʼi te nusipepa ʼaenī.”