He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼAukusitō

“ ʼI tau manatu, ʼe feala koa ke tou maʼu ia he loto tokalelei ʼi te ʼu temi maveuveu ʼaenī? [Tuku ke fai mai hana tali.] Fakatokagaʼi age muʼa ia te manatu ʼaenī, ʼe tuʼu iā Filipe 4:6, 7. [Lau age.] ʼE fakamahino ʼi te ʼalatike ʼaenī peʼe lava feafeaʼi hatatou maʼu ia te tokalelei ʼaē ʼe foaki mai e te ʼAtua.” Fakahā age ia te ʼalatike ʼaē ʼe kamata ʼi te pāsina 30.

Réveillez-vous! ʼo ʼAukusitō

“Kā mate takita tamai peʼe ko takita faʼē, ʼe tou lotomamahi ʼo lahi age ʼi he tahi age meʼa ʼe feala ke hoko ʼi totatou maʼuli. ʼE ko tau manatu koa lā ʼaia? [Tuku ke fai mai hana tali.] Tokolahi te hahaʼi neʼe fakalotofīmālieʼi nātou ʼaki te ʼu vaega Tohi-Tapu ohagē ko te vaega ʼaenī. [Lau age ia Fakahā 21:4.] ʼE fakamahino ʼi te ʼalatike ʼaenī peʼe lava feafeaʼi, tāfito ki he tūpulaga, hana lolomi ia te ʼu tuʼuga meʼa ʼaē ʼe ina logoʼi ʼi tona loto.” Fakahā age ia te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo Sepetepeli

“ ʼE ʼui e ʼihi ko te ʼu lotu fuli ʼe ko he ʼu ala kehekehe ʼe natou taki fuli ki te ʼAtua e tahi. ʼI tau manatu lā, ʼe leleiʼia koa e te ʼAtua ia te ʼu lotu fuli? [Tuku ke fai mai hana tali. Pea kotou lau age ia Mateo 7:13, 14.] ʼE talanoa ia te nusipepa ʼaenī kiā manatu tāfito e tolu ʼe ʼui ʼi te Tohi-Tapu ʼe tonu ke lagolago kiai ia te lotu ʼaē ʼe lelei.”

Réveillez-vous! ʼo Sepetepeli

“ ʼI tau manatu, kua lahi age koa ia te ʼu faigataʼaʼia ʼaē ʼe tau nei mo te kau tūpulaga ʼi te ʼu temi ki muʼa atu? [Tuku ke fai mai hana tali.] Tokolahi te hahaʼi ʼe natou manatu ʼe fakamahino lelei e te vaega ʼaenī ia te ʼaluʼaga ʼo totatou temi. [Lau age ia 2 Timoteo 3:1.] ʼE talanoa ia te nusipepa ʼaenī ki ʼihi pelesepeto Fakatohi-tapu ʼe ʼaoga moʼo tokoni ki te ʼu mātuʼa pea mo te kau tūpulaga ke natou kātakiʼi.”