He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Maio

“ ʼE ke ʼiloʼi koa ʼe ʼi ai te tahi ʼu higoa ʼo Sesu? [Tuku ke fai mai hana tali pea kotou lau age ia Suta 9.] Kae ʼe tou lava ʼiloʼi papau feafeaʼi ko Mikaele ʼe ko te tahi higoa ʼaia ʼo Sesu?” Fakahā age te ʼalatike ʼaē ʼe kamata ʼi te pāsina 23.

Réveillez-vous! ʼo Maio

“ ʼI tau manatu, ʼe kua vave pē koa anai he fakatokatoka ʼo te ʼu meʼa ʼi te faʼahi fakaekonomika? [Tuku ke fai mai hana tali.] ʼE tokolahi te hahaʼi ʼe mole natou ʼiloʼi peʼe lava tokoni feafeaʼi mai te Tohi-Tapu kiā tātou ʼi te ʼu temi faigataʼa ʼaenī. [Lau age ia te vaega Tohi-Tapu ʼaē ʼe tuʼu ʼi te ʼalatike.] ʼE fakahā ʼi te ʼalatike ʼaenī peʼe lava tokoni feafeaʼi mai te ʼu manatu ʼaē ʼe tuku mai ʼi te Tohi-Tapu ke tou tauʼi ia te ʼu faigataʼaʼia fakaekonomika.” Fakahā age te ʼalatike ʼaē ʼe kamata ʼi te pāsina 18.

Te Tule Leʼo ʼaho 1 ʼo Sūnio

“Neʼe mole heʼeki ke fai koa ia te fehuʼi ʼaē pe koʼē ʼe tuku e te ʼAtua ke hoko te ʼu mamahi? [Tuku ke fai mai hana tali.] ʼE feala ke ke tokagaʼi te fehuʼi ʼaenī ʼe fai e te tagata faitohi ʼo te Tohi-Tapu, ʼaē kua fai e te hahaʼi tokolahi. [Lau age ia Pesalemo 10:1.] ʼE vakaʼi ʼi te nusipepa ʼaenī te manatu ʼa te Tohi-Tapu ʼo ʼuhiga ʼaē pe koʼē ʼe tuku e te ʼAtua ke hoko te ʼu mamahi pea koteā ʼaē ʼe ina lolotoga fai nei moʼo pulihi ia te ʼu mamahi ʼaia.”

Réveillez-vous! ʼo Sūnio

“ ʼE hagē ʼe fakahaʼuhaʼu ʼo lahi ʼaupitō ia te hoha ʼaē ki te maʼuli. ʼE ke manatu fēia koa? [Tuku ke fai mai hana tali.] Tokolahi ʼe natou manatu ko te ʼu palalau ʼaenī ʼe natou fakamahino te tupuʼaga ʼo te taʼi hoha ʼaupitō ʼaia. [Lau age ia 2 Timoteo 3:1.] ʼE talanoa ʼi te nusipepa ʼaenī peʼe feafeaʼi te malave ʼo te hoha kiā tātou. ʼE toe foaki mai mo he ʼu tokoni ke tou lava lolomi totatou lotohoha.”