He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Novepeli

“ ʼI he temi pē ʼo totatou maʼuli, tokolahi iā tātou neʼe tou felāveʼi mo te ʼu fihifihia, ʼo tou faikole ai ki te ʼAtua ke tokoni mai. Kae tokolahi ʼe natou manatu ʼe mole tali tanatou ʼu faikole. Koteā tau manatu? ʼE fakalogo moʼoni koa te ʼAtua ki te ʼu faikole?” [Tuku ke fai mai hana tali pea kotou lau age ia Pesalemo 65:2.] Fakahā age ia te ʼalatike ʼaē ʼe kamata ʼi te pāsina 11.

Réveillez-vous! ʼo Novepeli

“Kiā koe lā, ko te lotu ʼe ina fakalotomālohi koa ia te ʼofa pea mo te tokalelei, peʼe ko te fehiʼa pea mo te agamālohi? [Tuku ke fai mai hana tali.] ʼE hā mai, ʼe tokolahi te hahaʼi ʼe mole natou maʼuliʼi ia te ʼu palalau ʼaenī ʼa Sesu. [Lau age ia Mateo 5:44, 45.] Ko te ʼalatike ʼaenī ʼe ina tali ki te fehuʼi ʼaenī: ‘ ʼE feala koa ke ʼofa he tahi ki tona ʼu fili?’ ” Fakahā age ia te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo Tesepeli

“ ʼE ke manatu koa ko meʼa fuli ʼaē ʼe akonakiʼi e te ʼu lotu ʼe haʼu mai te Tohi-Tapu? [Tuku ke fai mai hana tali.] ʼE fai mai ʼi te Tohi-Tapu ia te fakatokaga ʼaē ke ʼaua naʼa kākāʼi tātou e ni ʼu loi. [Lau age ia Kolose 2:8.] ʼE fakahā ʼi te nusipepa ʼaenī te ʼu talatuku e ono ʼe mole ʼalutahi mo te Folafola ʼa te ʼAtua.”

Réveillez-vous ʼo Tesepeli

“Ko ʼihi ʼe natou tui neʼe fakatupu ia te ʼatulaulau, kae ʼi te manatu ʼa ʼihi neʼe tupu fakafokifā pē ia pea ʼe mole ʼi ai he tupuʼaga tāfito ʼo tona fakatupu. Koteā tau manatu kiai? [Tuku ke fai mai hana tali.] ʼE feala ke ke tokagaʼi ia te manatu ʼa Tohi-Tapu. [Lau age ia Hepeleo 3:4.] ʼE foaki ʼi te nusipepa ʼaenī ia he fakamahino fakapotopoto ʼo ʼuhiga mo te kamataʼaga ʼo te ʼatulaulau pea mo te tupuʼaga ʼo tona fakatupu.”