He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Tesepeli

“ ʼI tau manatu, ko te ʼu meʼa fuli ʼaē ʼe akoʼi e te ʼu lotu ʼe haʼu koa mai te Tohi-Tapu? [Tuku ke fai mai hana tali.] ʼE fai mai ʼi te Tohi-Tapu ia te fakatokaga, ke mole kākāʼi ai tātou ʼaki he ʼu akonaki loi. [Lau age ia Kolose 2:8.] ʼE fakahā ʼi te nusipepa ʼaenī te ʼu talatuku e ono ʼe mole ʼalutahi mo te Folafola ʼa te ʼAtua.”

Réveillez-vous! ʼo Tesepeli

“ ʼE au fia ʼiloʼi tau manatu ʼo ʼuhiga mo te meʼa ʼaenī neʼe ʼui e Sesu. [Lau age ia Mateo 5:3.] Mai tona ʼaluʼaga ʼaē ʼe tapuke te ʼu lotu kehekehe, ʼe ke manatu koa ʼe maʼuhiga tatatou faʼahiga filifili te ʼu meʼa ʼaē ʼe ʼaoga kiā tātou ʼi te faʼahi fakalaumālie? [Tuku ke fai mai hana tali.] ʼE fakahā ʼi te ʼalatike ʼaenī pe koteā ʼaē ʼe ʼui ʼi te Tohi-Tapu, peʼe feafeaʼi hatatou lava maʼu moʼoni ia te ʼu meʼa ʼaē ʼe ʼaoga kiā tātou ʼi te faʼahi fakalaumālie.” Fakahā age ia te ʼalatike ʼaē ʼe kamata ʼi te pāsina 12.

Te Tule Leʼo ʼaho 1 ʼo Sānualio

“ ʼI tau manatu, ʼe ʼi ai koa he ʼaho ʼe fakagata ai anai e te ʼAtua ia te mamahi ʼi te mālamanei? [Tuku ke fai mai hana tali.] ʼE feala ke ke tokagaʼi ia te fakapapau ʼaenī ʼi te Tohi-Tapu, ʼe foaki mai kiā tātou he tupuʼaga ke tou maʼu ai he ʼamanaki. [Lau age he vaega ʼi te ʼu vaega ʼaē ʼe tuʼu ʼi te fakamatala ʼaē ʼe ʼātakai ʼi te pāsina 7.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo te temi ʼaē kā fakagata ai anai e te ʼAtua ia te mamahi fuli, pea ʼe feafeaʼi anai tana fai ia te faʼahi ʼaia.”

Réveillez-vous! Sānualio

“ ʼI te ʼu temi faigataʼa ʼaenī, ko te hahaʼi tokolahi ʼe natou ʼui ʼe lahi fau tanatou gāue pea mo natou hoha lahi ai. Neʼe kua ke logo koa ki he ʼu palalau fēia? [Tuku ke fai mai hana tali.] ʼE feala ke ke tokagaʼi ia te tokoni fakapotopoto ʼaenī. [Lau age ia Tagata Tānaki 4:6.] ʼE talanoa ʼi te nusipepa ʼaenī peʼe feafeaʼi hatatou fakafuafua lelei te gāue, te fāmili pea mo te temi mālōlō. ʼE toe foaki ai e te nusipepa ia he ʼu tokoni kiā nātou ʼaē ʼe kumi gāue.”