Polokalama ʼo Te Vāhaʼa 10 ʼo Maio

VĀHAʼA ʼO TE ʼAHO 10 ʼO MAIO

Kātiko 129

□ Ako Tohi-Tapu ʼo Te Kōkelekāsio:

re kāp. 32 ¶25-33

□ Ako Fakateokalatike:

Lau ʼo Te Tohi-Tapu: 2 Samuele 4-8

N° 1: 2 Samuele 6:1-13

N° 2: Koteā ʼAē Kua Tou Mahino ʼo ʼUhiga Mo Te Saint-Valentin, Te ʼAho ʼo Te Faʼē Pea Mo Te ʼu Toʼotoʼoga Fakapuleʼaga? (rs p. 167 ¶4–p. 168 ¶4)

N° 3: He Koʼē Ko Te Mānumānu Fakavale ʼe Ko He Tauhi Tamapua? (Efe. 5:5)

□ Fono Gāue:

Kātiko 200

5 min: Te ʼu logo.

10 min: Kotou Tokoni Ki Te Hahaʼi ʼi Te Telituale. Ko he fai palalau mo te nofoʼaki ʼe fakatafito ki te tohi École du ministère, ʼi te pāsina 188, palakalafe 4, ki te fakaʼosi ʼo te pāsina 189. Fakafehuʼi fakanounou he tahi neʼe tuputupu fakalaumālie he neʼe tokoni age he tahi.

10 min: Ko He Fale ʼo Te Puleʼaga ʼe Maʼa ʼe Ina Fakamaʼuhigaʼi Ia Sehova. Ko he akonaki ʼe fai e he tagata ʼāfea. Ko Sehova ʼe ko he ʼAtua māʼoniʼoni, koia ko te aga fakamaʼa ʼe tonu ko he faʼahi maʼuhiga ʼi te lotolotoiga ʼo tana hahaʼi. (Eke. 30:17-21; 40:30-32) Kā tou taupau ke maʼa pea ke lelei ia te fale ʼaē ʼe tou tauhi ai kiā Sehova, pea ʼe tou fakakolōliaʼi ai anai ia Sehova. (1 Pet. 2:12) Fakafehuʼi ia he tehina ʼe tokaga ki te fakamaʼa pea mo te toe gaohi ʼaē ʼo te fale ʼo ʼuhiga mo te ʼu fakatuʼutuʼu ʼaē kua fai ki totatou Fale ʼo Te Puleʼaga. Fakamatala he ʼu meʼa neʼe hoko ʼi totatou telituale pe neʼe tā ʼi te ʼu nusipepa, ʼe fakahā ai te ʼu fakamatala neʼe fai e te hahaʼi ʼo te kolo ʼuhi ko te matalelei ʼo te Fale ʼo Te Puleʼaga. Fakalotomālohiʼi ia te nofoʼaki ke natou kau ki te taupau fakalelei ʼaē ʼo te Fale ʼo Te Puleʼaga ke maʼa pea ke mole maumau.

10 min: “Ko Te Logo Lelei ʼAenī ʼe Fakamafola Anai!” Ko he fai palalau ʼaki he ʼu fehuʼi pea mo he ʼu tali.

Kātiko 155