He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sānualio

“Iā ʼaho nei, ko nātou ʼaē ʼe natou ʼui ʼe natou tui kiā Kilisito ʼe mole natou tali lelei ia te Tauhi ʼĀfea. ʼI tau manatu, ʼe feala koa ke tou falala ki te Tohi-Tapu kātoa? [Tuku ke fai mai hana tali. Pea kotou lau age ia 1 Tesalonika 2:13.]” Tou fakahā age ia te ʼalatike ʼo te pāsina 29.

Réveillez-vous! ʼo Sānualio

“Kā tou tau mo ni ʼu fihifihia, ʼi te manatu ʼa te tokolahi neʼe tauteaʼi nātou e te ʼAtua. Neʼe kua hoko koa kiā koe ia he meʼa fēia? [Tuku ke fai mai hana tali. Pea kotou lau age ia Sake 1:13.] ʼI te ʼalatike ʼaenī, ʼe fakamahino ai ia te tupuʼaga tāfito ʼaē ʼo totatou ʼu fihifihia pea mo te tupuʼaga ʼaē ʼe tonu ai ke tou falala kua vave pulihi anai ia totatou ʼu mamahi.” Tou fakahā age ia te ʼalatike ʼaē ʼe kamata ʼi te pāsina 28.

Te Tule Leʼo ʼaho 1 ʼo Fepualio

“ ʼI tau manatu, ʼe feafeaʼi ʼapē ia te tali mai ʼa te ʼAtua ki ʼatatou faikole? [Tuku ke fai mai hana tali. Pea kotou lau age ia 1 Soane 5:14, 15.] ʼI te ʼalatike ʼaeni, ʼe fakamahino mai, pe koʼē ʼe tonu ke tou faikole ki te ʼAtua pea mo ina fakahā mai ia te meʼa ʼaē ʼe tonu ke tou fai ke fakalogo mai ai ia te ʼAtua ki ʼatatou faikole.” Tou fakahā age ia te ʼalatike ʼo te pāsina 32.

Réveillez-vous! ʼo Fepualio

“Ko meʼa fuli ʼo ʼuhiga mo te kele ʼe hā ʼaki mai neʼe faʼu ke tou māʼuʼuli ai. ʼI tau manatu, neʼe hā fakafokifā pē ia te ʼu meʼa ʼaia, peʼe ke fakatui koa neʼe ʼi ai he tahi neʼe ina fakatupu? [Tuku ke fai mai hana tali.] Tokolahi ia te hahaʼi ʼe natou manatu tahi mo te vaega ʼaenī ʼo te Tohi-Tapu. [Kotou lau age ia Pesalemo 104:24.] Ko te nusipepa ʼaenī, ʼe talanoa ki te ʼu fakamoʼoni ʼi te faʼahi ʼo te poto fakatagata pea mo te Tohi-tapu, ʼe ʼi ai te Tupuʼaga.”