He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApelili

“ ʼE ʼiloʼi e te hahaʼi ia te kau Fakamoʼoni ʼa Sehova ʼuhi ko tanatou fai fakamafola. Neʼe mole heʼeki ke feʼekeʼaki koa lā pe koʼē ʼe matou fai ia te gāue ʼaia? [Tuku ke fai mai hana tali.] ʼE au fia lau atu ia te fakamahino ʼaenī. [Lau age ia Mateo 24:14.] ʼE tali ʼi te nusipepa ʼaenī ki te ʼu fehuʼi ohagē lā: peʼe koteā ia te logo lelei ʼaia? Koteā ia te Puleʼaga? Pea koteā ia te fakaʼosi ʼaē ʼe tonu ke hoko mai?”

Réveillez-vous! ʼo ʼApelili

“Tokolahi te hahaʼi ʼe natou ʼui ko te ʼAtua ʼe nofo ʼi te ʼu potu fuli pē pea ʼe iā meʼa fuli pē. Koteā lā tau manatu? [Tuku ke fai mai hana tali. Pea kotou lau age ia 1 Hau 8:39.] Ko te ʼalatike ʼaē ʼe kamata ʼi te pāsina 28 ʼe ina fakamahino pe koʼē ʼe mole ʼaoga ke nofo te ʼAtua ʼi te ʼu potu fuli pē.”

Te Tule Leʼo ʼaho 1 ʼo Maio

“Tokolahi te hahaʼi ʼe natou tui ki te ʼu manatu kehekehe ʼo ʼuhiga mo Sesu. ʼI tau manatu lā, ʼe maʼuhiga koa ke tou ʼiloʼi ia te moʼoni ʼo ʼuhiga mo Sesu? [Tuku ke fai mai hana tali. Pea kotou lau age ia Soane 17:3.] ʼE fakamahino ʼi te nusipepa ʼaenī pe koteā ʼaē ʼe akoʼi mai ʼi te Tohi-Tapu ʼo ʼuhiga mo Sesu—pe neʼe haʼu mai fea, neʼe maʼuli feafeaʼi, pea he koʼē neʼe mate.”

Réveillez-vous! ʼo Maio

“ ʼE ʼui e ʼihi ko te tagata ʼe hifo mai te ʼu manu, kae ʼe poto age ʼi te ʼu manu. Koteā lā tau manatu? [Tuku ke fai mai hana tali. Pea kotou lau age ia Pesalemo 139:14.] ʼE mahino ia, neʼe mole ʼiloʼi kātoa e te tagata fai pesalemo te ʼu faʼahi fakaofoofo ʼo te sino ʼo te tagata. ʼE fakamahino ʼi te nusipepa ʼaenī te ʼu faʼahi ʼaē kua tou ʼiloʼi ʼi te temi nei, ʼo fēia mo te ʼu faʼahi ʼaē ʼe mole tou tatau ai mo te ʼu manu.”