He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Maio

“Tokolahi ʼe natou fai ia te papitema Fakakilisitiano. ʼI tau manatu lā, ʼe maʼuhiga koa ia te papitema? [Tuku ke fai mai hana tali.] ʼE fakahā e te ʼalatike ʼaenī ia te ʼu puani ʼe maʼuhiga.” Kotou tuku age Te Tule Leʼo ʼo te ʼaho 1 ʼo Maio, pea kotou vakaʼi fakatahi te ʼuluaki fehuʼi ʼi te pāsina 24 pea kotou lau age ia he vaega Tohi-Tapu. Tuku age ki ai te ʼu nusipepa, pea mo kotou fakatuʼutuʼu ke kotou toe liliu ʼo vakaʼi mo ia ia te tali ki te fehuʼi ʼaē ʼe hoa mai kiai.

Te Tule Leʼo ʼaho 1 ʼo Maio

“ ʼE lahi te ʼu manatu ʼo ʼuhiga mo Sesu. Ko ʼihi ʼe natou ʼui, ʼe ko te Mēsia ʼaē neʼe fakapapauʼi mai. Pea ko ʼihi ʼe natou ʼui, neʼe ko he tagata agalelei pe ia. Kae ʼe ʼi ai ʼihi ʼe kei natou tui ko Sesu, neʼe mole maʼuli moʼoni ia. Koteā lā tau manatu? [Tuku ke fai mai hana tali.] Ohagē ko tona ʼui ʼi te Tohi-Tapu, ʼe maʼuhiga ke tou ʼiloʼi ia te moʼoni ʼo ʼuhiga mo Sesu. [Lau ia Soane 17:3.] ʼE fakahā ʼi te nusipepa ʼaenī ia te ʼu tali ki te ʼu fehuʼi ʼe fai māhani ʼo ʼuhiga mo Sesu.”

Réveillez-vous! ʼo Maio

“Tokolahi te hahaʼi ʼaē neʼe matou fai palalau mo nātou, neʼe kua hoko kiā nātou, ʼi he temi pē, ia te aga heʼe faitotonu. Kiā koe lā, ʼe ʼi ai koa he puleʼaki ki te aga heʼe faitotonu? [Tuku ke fai mai hana tali.] ʼE talanoa ia te Tohi-Tapu ki te lea fakapolofetā ʼaenī, ko he pule ʼe ina fakagata anai ia te aga heʼe faitotonu. [Lau ia Pesalemo 72:11-14.] E fakahā ia te nusipepa ʼaenī ki te ʼu fakapapau Fakatohi-tapu ki he faitotonu ʼe lelei age ʼi te kā haʼu.”