He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Te Māhina ʼo Sūlio

“Ko tātou fuli ʼe ʼi ai ni ʼotatou fāmili peʼe ko ni ʼotatou kaumeʼa kua mamate. ʼE kotou ʼamanaki koa ke kotou toe sisio kiā nātou? [Tuku ke fai mai hana tali.] Kotou tokagaʼi te manatu fakafīmālie ʼaenī.” Kotou lau pea mo kotou palalau ki te ʼuluaki kupu taki ʼi te pāsina 22 ʼo Te Tule Leʼo ʼo te ʼaho 1 ʼo Sūnio pea mo he vaega Tohi-Tapu. Kotou tuku age te ʼu nusipepa, pea mo kotou fakatuʼutuʼu ke kotou toe liliu age ke kotou vakaʼi fakatahi te tali ki te fehuʼi ʼaē ʼe hoa mai kiai.

Te Tule Leʼo ʼaho 1 ʼo Sūlio

“Tokolahi iā tātou ʼe tou faiga mālohi ke tou maʼu te ʼu meʼa ʼaē ʼe ʼaoga ki te fāmili, kae ko te tahi vaega hahaʼi ʼe mole pē lā natou maʼu te ʼu meʼa maʼuhiga ʼo te maʼuli. ʼI takotou manatu lā, ʼe ʼi ai anai koa he temi ʼe mole toe masiva he tahi? [Tuku ke fai mai hana tali. Pea kotou lau age ia Pesalemo 9:18.] ʼE fakahā ʼi te nusipepa ʼaenī te tupuʼaga ʼo te maʼuli masiva pea mo fakahā ai peʼe koteā ʼaē ʼe ʼui ʼi te Tohi-Tapu ʼo ʼuhiga mo te puleʼaki lelei ki te fihifihia ʼaia.”

Réveillez-vous! ʼo Sūlio

Kotou fakahā age he tuʼutāmaki neʼe palalau kiai ʼi te tala logo. Pea kotou ʼui fēnei age: “He koʼē ʼe fakagafua e te ʼAtua ke hoko te ʼu meʼa ʼaia? [Tuku ke fai mai hana tali.] ʼE fakahā ʼi te Tohi-Tapu, ʼe manavaʼofa te ʼAtua kiā nātou ʼaē ʼe maʼuli mamahi. [Kotou lau age ia Ekesote 3:7.] ʼE toe ʼui mai ʼi te Tohi-Tapu, te tupuʼaga ʼaē ʼo te fakagafua e te ʼAtua te mamahi pea mo tana kua vave pulihi ʼo talu ai. ʼE fakamahino te faʼahi ʼaia ʼi te nusipepa ʼaenī.”