He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Sulio

“ʼE ma ʼaʼahi te hahaʼi ke tupu ai hamatou faipalalau ki te fehuʼi maʼuhiga ʼaeni. [Fakaha age te pasina fakaʼosi ʼo Te Tule Leʼo ʼo Sulio–Sepetepeli.] Kotea la tau manatu?” Tuku ke fai mai hana tali. Vakaʼi fakatahi mo ia te palakalafe ʼae ʼe hoa mai ki te ʼuluaki fehuʼi pea mo he vaega Tohi-Tapu ʼi te ʼu vaega ʼae ʼe tohi ai. Kotou tuku age ki ai te ʼu nusipepa, pea mo fai he fakatuʼutuʼu ke kotou toe liliu ʼo vakaʼi fakatahi mo ia te fehuʼi ʼae ʼe hoa mai ki ai.

Ko Te Tule Leʼo Sulio–Sepetepeli

“Tokolahi te hahaʼi ʼe natou fia mahino ki te ka haʼu. Kotea la tau manatu ʼo ʼuhiga mo te ka haʼu? [Tuku ke fai mai hana tali. Pea ke lau age he vaega ʼi te fakamatala ʼae ʼi te ʼa takai “Te ʼu Fakakikite ʼa Te ʼAtua ʼo ʼUhiga Mo Te Ka Haʼu.”] ʼE fakaha ʼi te nusipepa ʼaeni ia te manatu ʼa te ʼAtua ʼo ʼuhiga mo te ka haʼu pea mo fakamahino ia te tupuʼaga ʼae ke tou lotofalala ai ʼe hoko moʼoni anai.”

Réveillez-vous! Sulio

“Tokolahi ʼe natou tau mo te ʼu aluʼaga faigataʼa, ohage la ko te ʼu tuʼutamaki fakanatula, peʼe ko he mahaki ʼe kovi, peʼe ko te mate ʼa he tahi ʼe natou ʼoʼofa ai. Kia koe la, moka hoko te ʼu faʼahi ʼaia, ʼe ʼaoga koa ke tou taupau he manatu ʼe lelei? [Tuku ke fai mai hana tali.] Neʼe foaki ʼi te Tohi-Tapu ia te ʼu tokoni ki te tokolahi ke natou lava tauʼi te ʼu aluʼaga faigataʼa ʼaia. [Lau ia Loma 15:4.] ʼE fakaha ʼi te nusipepa ʼaeni ia te tokoni ʼe tou lava maʼu ʼi te Tohi-Tapu moka tou tau mo he ʼu aluʼaga faigataʼa.”