He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo ʼApelili

“Tokolahi ʼe natou manatuʼi ia Sesu ʼi te ʼu ʼaho ʼaeni. Koia ʼe ma ʼomai ʼo vakaʼi fakanounou mo koe te tali ki te fehuʼi ʼe tau fai e te hahaʼi ʼo ʼuhiga mo ia. Neʼe kua ke fai la te fehuʼi ʼaeni?” Fakaha age te ʼuluaki fehuʼi ʼi te pasina fakaʼosi ʼo Te Tule Leʼo ʼo ʼApelili–Sunio pea mo tuku ke fai mai hana tali. Vakaʼi mo ia te ʼuluaki palakalafe pea mo fakaʼosi ʼaki he vaega Tohi-Tapu. Kotou tuku age ki ai te ʼu nusipepa, pea mo fai he fakatuʼutuʼu ke kotou toe liliu ʼo vakaʼi fakatahi mo ia te tali ki te fehuʼi ʼae ʼe hoa mai ki ai.

Ko Te Tule Leʼo ʼApelili–Sunio

“Lolotoga te ʼu mahina ʼaeni, ʼe manatu ai ia te hahaʼi ki te fakatuʼu ake ʼo Sesu. Kaʼe tokolahi ʼe mole natou iloʼi lelei pe neʼe mate feafeaʼi ia Sesu pea kotea te ʼu lelei ʼe feala ke tou maʼu mai tona fakatuʼu ake. Kotea la tau ia manatu? [Tuku ke fai mai hana tali.] Koʼeni ia te manatu ʼa te Tohi-Tapu. [Lau age ia 1 Kolinito 15:20-22.] ʼE fakaha mai ʼi te nusipepa ʼaeni pe ʼe kotea te ʼu lelei ʼe feala ke tou maʼu mai te fakatuʼu ake.”

Réveillez–vous! ʼo ʼApelili

“Ko te agamalohi ʼi te ʼu loto fale ʼe ko he fihifihia ʼe hoko ʼi te malamanei katoa. Ko ʼihi ʼe natou ui ʼe hoko te faʼahi ʼaia ʼuhi ko te sioʼi ʼo te ʼu ʼata agamalohi, pe ko te lahilahi ake ʼi he famili agamalohi, pe ʼe ko he aga ʼi fenua pe ia. Kotea la tau manatu ʼo ʼuhiga mo te tupuʼaga tafitō ʼo te agamalohi ʼae ʼe hoko ʼi te ʼu loto fale? [Tuku ke fai mai hana tali.] ʼE fakaha mai e te Tohi-Tapu ia te aga ʼae ʼe tonu ke fai e te tagata pea mo tona ʼohoana. [Lau age ia Efeso 5:33.] ʼE talanoa te nusipepa ʼaeni ki te ʼu fua lelei neʼe maʼu e ʼihi taumatuʼa ʼuhi ko tanatou maʼuliʼi te tokoni ʼaeni ʼo te Tohi-Tapu pea mo ʼihi atu.”