He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApelili

“Kā mate he tamasiʼi, ʼe lagi faiga e te ʼu kaumeʼa ʼo te fāmili ʼaē ʼe lotomamahi ke natou fakalotofīmālieʼi nātou, ʼo natou ʼui fēnei: ‘Neʼe loto e te ʼAtua ki he tahi kiʼi ʼāselo ʼi selō.’ Kiā koe, ʼe fakapotopoto koa te taʼi palalau ʼaia? [Tuku ke fai mai hana tali.] ʼE feala hau tokagaʼi ia te ʼu palalau maʼuhiga ʼaenī. [Kotou lau age ia Pesalemo 127:3.] ʼE ʼui ʼi te Tohi-Tapu ko te fānau ʼe ko he ‘tōfiga mai iā Sehova.’ ʼE toe toʼo anai koa e Sehova, te ʼAtua ʼofa, he meʼa ʼofa neʼe ina foaki ki te ʼu mātuʼa?” Fakahā age ia te ʼalatike ʼo te pāsina 22.

Réveillez-vous! ʼo ʼApelili

“ ʼE lahi te ʼu taumātuʼa ʼe natou māvete ʼuhi ko he tahi iā nāua neʼe hala ki tuʼa. ʼI tau manatu, kapau ʼe tou maʼuliʼi ia te vaega ʼaenī, ʼe tokoni anai koa ke tologa ia te nofo ʼohoana? [Kotou lau age ia Mateo 5:28. Pea tuku ke fai mai hana tali.] ʼE fakaʼaogaʼi ʼi te ʼalatike ʼaenī ia te Tohi-Tapu moʼo tokoni ki te ʼu taumātuʼa ke natou tekeʼi ia te hele ʼaē ko te hala ki tuʼa.” Fakahā age ia te ʼalatike ʼo te pāsina 28.

Te Tule Leʼo ʼaho 1 ʼo Maio

“ ʼE au fia ʼiloʼi tau manatu ʼo ʼuhiga mo te ʼu palalau ʼaenī neʼe fai e Sesu. [Kotou lau age ia Soane 3:3.] ʼI tau manatu, koteā te fakaʼuhiga ʼo te toe tupu ʼa he tahi? [Tuku ke fai mai hana tali.] Kapau ʼe tou mahino ki te fakaʼuhiga totonu ʼo te ʼu palalau ʼaia ʼa Sesu, pea ʼe malave anai te faʼahi ʼaia ki totatou maʼuli pea mo tatatou ʼamanaki ki te kā haʼu. ʼE fakamahino e te nusipepa ʼaenī tona tupuʼaga.”

Réveillez-vous! ʼo Maio

“Kua tokolahi iā ʼaho nei ia te hahaʼi ʼe natou fakaʼaogaʼi te toloke. ʼI tau manatu lā, koteā tona tupuʼaga? [Tuku ke fai mai hana tali.] ʼE fakahā lelei ʼi te Tohi-Tapu ia te faʼahi tāfito ʼaē ʼe tupu ai te faʼahi ʼaia, tāfito lā ʼo ʼuhiga mo te tamaliki. [Kotou lau age ia Tāʼaga Lea 13:20.] ʼE talanoa ia te nusipepa ʼaenī peʼe feafeaʼi hakotou puipui ia koutou pea mo tokotou fāmili mai te tuʼutāmaki ʼaia.”