Polokalama ʼo Te Vāhaʼa 13 ʼo ʼAukusitō
VĀHAʼA ʼO TE ʼAHO 13 ʼO ʼAUKUSITŌ
Kātiko 63 Pea Mo Te Faikole
□ Ako Tohi-Tapu ʼo Te Kōkelekāsio:
fy kāp. 6 ¶9-18 (25 min.)
□ Ako Fakateokalatike:
Lau ʼo Te Tohi-Tapu: Esekiele 28-31 (10 min.)
N° 1: Esekiele 28:17-26 (4 min. peʼe siʼi ifo)
N° 2: Tou Fakakeheʼi Te ʼu Fakamatala ʼAē ʼe Hala Mai Te ʼu Fakamatala Moʼoni ʼo ʼUhiga Mo Sesu Kilisito (5 min.)
N° 3: Ko Te ʼu Vaega Tohi-Tapu Fea ʼAē ʼe Fakatafito Kiai Te Manatu Fakakilisitiano ʼo ʼUhiga Mo Te ʼu Meʼa Fakapolitike?—rs p. 267 ¶1-5 (5 min.)
□ Fono Gāue:
5 min: Te ʼu Logo.
10 min: Kotou Teuteuʼi He Tahi Ki Tona Toe ʼAʼahi. Ko he fai palalau ʼe fakatafito ki te ʼu fehuʼi ʼaē ʼe hoa mai. (1) He koʼē ʼe lelei ke tou teuteuʼi he tahi ki tona toe ʼaʼahi ʼi tatatou ʼuluaki fai palalau mo ia, pea ʼe tou fakahoko feafeaʼi anai? (2) ʼE tou lava filifili feafeaʼi he fehuʼi ʼe tupu ai hana fia mahino pea mo tou tali anai kiai mokā tou toe liliu age? (3) He koʼē ʼe lelei ke tou fakatuʼutuʼu mo ia ia te ʼaho ʼaē kā tou toe liliu age ai pea mo kapau ʼe feala, kotou fakaʼui age tona nūmelo telefoni? (4) He koʼē ʼe tonu ke tou toe liliu fakavilivili ʼo fai te ʼaʼahi ʼi te ʼu ʼaho pē ʼaē ʼe hoa mai? (5) Koteā te ʼu nota ʼe feala ke tou tohi ki he kiʼi kaupepa ʼi te hili ʼo te ʼuluaki fai palalau?
10 min: Kotou fakafehuʼi he pioniē kātoa e tahi peʼe ko he toko lua. Koteā ʼaē neʼe tokoni kiā nāua ke nā toʼo ia te selevisi ʼaia? Koteā te ʼu fihifihia neʼe tau mo nāua ʼi tanā lolotoga pioniē, pea koteā ʼaē neʼe ina fakafealagia ke nā hoko atu? Koteā te ʼu tapuakina neʼe nā maʼu mai tanā selevisi? Fakalotomālohiʼi te kau fai fakamafola ke natou fakakaukauʼi ia te selevisi pioniē kātoa ki te taʼu gāue ʼaenī kā kamata.
10 min: “Taupau Tou Leʼo ʼo Loto.” ʼAki he ʼu fehuʼi pea mo he ʼu tali. Fakahā ia te ʼaho ʼaē kā fai ai te fakatahi makehe ʼaho tahi mo kapau kua ʼiloʼi tona ʼaho.
Kātiko 65 Pea Mo Te Faikole