Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 29 ʼo ʼOketopeli 2012. Ko te ʼaho ʼaē neʼe fakatuʼutuʼu ke gāueʼi ai ia te ʼu puani takitahi ki te fakamanatu ʼe kau anai ki te ʼu fekumi ʼaē ʼe feala ke kotou fai mokā teuteuʼi te ako ʼi te vāhaʼa fuli.

1. Koteā ʼaē ʼe fakatātā e te ʼaletale ʼaē neʼe sio kiai ia Esekiele ʼi te meʼa ʼaē neʼe hā? (Esk. 43:13-20) [10 Sep., w07 1/8 p. 20 pal. 5]

2. Koteā ʼaē ʼe fakatātā e te vai ʼo te vaitafe ʼaē neʼe sio kiai ia Esekiele ʼi te meʼa ʼaē neʼe hā? (Esk. 47:1-5) [17 Sep., w07 1/8 p. 21 pal. 2]

3. Koteā ʼaē ʼe hā mai ʼi te ʼu kupu “nee fakapapau leva ia Taniela i tona loto” ʼo ʼuhiga mo te ako fakalaumālie ʼaē neʼe maʼu e Taniela ʼi tana kei veliveli? (Tan. 1:8) [24 Sep., dp pp. 32-33 pal. 4-6; p. 36 pal. 16]

4. Koteā ʼaē neʼe fakatātā e te fuʼu ʼakau lahi ʼo te moemisi ʼa Nepukanesa? (Tan. 4:10, 11, 20-22) [1 ʼOke., w07 1/9 p. 20 pal. 5]

5. Koteā te ako ʼe tou maʼu iā Taniela 9:17-19 ʼo ʼuhiga mo te faikole? [8 ʼOke., w07 1/9 p. 22 pal. 5-6]

6. Ko te fuakava fea ʼaē neʼe ‘taupau maʼa te kaugamālie’ ʼo aʼu mai ki te fakaʼosi ʼo te ʼu vāhaʼa taʼu e 70, peʼe ʼi te taʼu 36 ʼo totatou temi? (Tan. 9:27) [8 ʼOke., w07 1/9 p. 22 pal. 4]

7. Koteā ʼaē ʼe tou mahino mai te ʼu palalau ʼaē neʼe fai e te ʼāselo kiā Taniela ʼo ʼuhiga mo “te tama ʼaliki ʼo te Puleʼaga hau ʼo Pelesia” ʼaē neʼe fakafeagai kiā Taniela? (Tan. 10:13) [15 ʼOke., w11 1/10 p. 8 pal. 1-2]

8. Koteā te lea fakapolofetā ʼo ʼuhiga mo Sesu ʼaē neʼe fakahoko ʼo ʼalutahi mo Taniela 11:20? [15 ʼOke., dp pp. 232-233 pal. 5-6]

9. ʼO mulimuli ki te manatu ʼaē iā Oseo 4:11, koteā te ʼu fua kovi ʼo te ʼinu kava fakavalevale? [22 ʼOke., w10 1/2 pp. 4-5]

10. Koteā te ako maʼuhiga ʼe tonu ke tou tāʼofi mai iā Oseo 6:6? [22 ʼOke., w07 1/10 p. 14 pal. 8; w05 15/11 p. 24 pal. 11-12]