Fakamanatu ʼo Te Ako Fakateokalatike

Ko te ʼu fehuʼi ʼaenī ʼo te fakamanatu, ʼe vakaʼi anai ʼi te Ako Fakateokalatike lolotoga te vāhaʼa ʼaē ʼe kamata ʼi te ʼaho 31 ʼo Tesepeli 2012. Ko te ʼaho ʼaē neʼe fakatuʼutuʼu ke gāueʼi ai ia te ʼu puani takitahi ki te fakamanatu, ʼe kau anai ki te ʼu fekumi ʼaē ʼe feala ke kotou fai mokā teuteuʼi te ako ʼi te vāhaʼa fuli.

1. Neʼe hoko feafeaʼi ia te lea fakapolofetā iā Soele 2:1-10, 28 ʼo ʼuhiga mo te hūfi e te ʼu kiʼi manu? [5 Nov., w07 1/10 p. 25 pal. 1]

2. Neʼe fakaʼuhiga kiā ai te lea fakapolofetā iā Amosi 8:11 pea koteā te fehuʼi ʼaē ʼe feala ke tou lagaʼi maʼia pē lā ʼe tou mahu ʼi te meʼa kai fakalaumālie? [12 Nov., w04 15/11 p. 25 pal. 21-22]

3. Koteā ʼaē neʼe tupu ai te fialahi ʼo te kau Etomite? Pea koteā te aluʼaga maʼuhiga ʼaē ʼe tonu ke tou manatuʼi? (Ape. 3, 4) [19 Nov., w07 1/11 p. 18 pal. 6]

4. Neʼe fakahā feafeaʼi e Sehova ia tana fakahemala ʼaē ki tana tala ia te tautea ʼo te hahaʼi ʼo Ninive? (Son. 3:8, 10) [19 Nov., w07 1/11 p. 20 pal. 3]

5. ʼE lava fakamālohi feafeaʼi ʼatatou felōgoi mo te ʼAtua ʼi totatou haʼele ʼi tona huafa? (Mik. 4:5) [26 Nov., uw kāp. 2 pal. 13-14]

6. Koteā te fakamoʼoni ʼe tou maʼu mai te fakahoko ʼo te lea fakapolofetā ia Naume 2:7-11 (2:6-10, MN)? [3 Tes., w07 1/12 p. 9 pal. 2; w88-F 15/2 p. 28 pal. 7]

7. Koteā te fakaʼuhiga ʼo te vaega ʼo Akeseo 1:6? Pea koteā te fakatokaga ʼaē ʼe tonu ke tou mulimuli kiai? [10 Tes., w06 1/5 p. 9 pal. 12-15]

8. Kapau neʼe lakahala mai he tehina pe neʼe ina fakamamahi he tahi, ʼe tou lava maʼuliʼi feafeaʼi te tokoni iā Sakalia 7:10 ʼaē ke “aua naa [tou] fakakaukau . . . he mea kovi” ʼi ʼotatou loto? [17 Tes., w07 1/12 p. 15 pal. 3]

9. He koʼē ʼe fakaloto fīmālie ia te ʼu palalau iā Sakalia 4:6, 7 ki te kau tauhi ʼa Sehova iā ʼaho nei? [17 Tes., w07 1/12 p. 15 pal. 1]

10. ʼO mulimuli kiā Malakia 3:16, he koʼē ʼe tonu ke tou haga taupau mālohi tatatou agatonu ʼaē ki te ʼAtua? [31 Tes., br1 p. 31 pal. 3]