Polokalama ʼo Te Vāhaʼa 15 ʼo Sulio

VAHAʼA ʼO TE ʼAHO 15 ʼO SULIO

Katiko 48 Pea Mo Te Faikole

□ Ako Tohi-Tapu ʼo Te Kokelekasio:

lv kap. 5 ¶16-23 (30 min.)

□ Ako Fakateokalatike:

Lau ʼo Te Tohi-Tapu: Gaue 18-21 (10 min.)

N° 1: Gaue 20:17-38 (4 min. peʼe siʼi ifo)

N° 2: ʼE Feala Koa Ke Palalau Mai Ia Nātou ʼAē Kua Mamate?—fg p. 13, fehuʼi 3 (5 min.)

N° 3: ʼE Tou Taupau Feafeaʼi Ia He Mata ʼe Lelei?—lv pp. 58-59 pal. 16-17 (5 min.)

□ Fono Gaue:

Katiko 92

10 min: Ke Malave Te Loto ʼo Takotou Ako. (Luka 24:32) Ko he faipalalau ʼe fakatafito ki te ʼu fehuʼi ʼaeni: 1. Moka ʼe kotou fai he ako Tohi-Tapu, he ko ʼe ʼe ʼaoga ke kotou fakamaʼuhigaʼi (1) te ʼofa pea mo te poto ʼo Sehova? (2) te maʼuliʼi ʼo te ʼu pelesepeto ʼa Sehova? (3) te kumi tuʼumaʼu ʼo te takitaki ʼa Sehova ʼi muʼa ʼo te fai he tonu? 2. ʼE kotou fai feafeaʼi anai te ʼu fehuʼi ʼaeni moʼo vakaʼi pe neʼe malave te loto ʼo takotou ako? (1) ʼE mata tonu koa kia koe? (2) ʼI tau manatu, ʼe alu tahi koa mo te ʼofa ʼo te ʼAtua? (3) ʼI tau manatu, kotea ia te ʼu fua lelei ʼae ʼe maʼu e natou ʼae ʼe natou maʼuliʼi te ʼu tokoni ʼaia?

20 min: “Naʼi Tehina Tupulaga, ʼe Kotou Fakaʼamu Koa Ki He ʼu Pilivilesio?” ʼAki he ʼu fehuʼi pea mo he ʼu tali. Fakafehuʼi fakanounou he tagata ʼafeā peʼe ko he faifekau fakaminisitelio neʼe fakaʼamu ki he ʼu pilivilesio ʼi tana kei tupulaga. Kotea te ʼu gaue neʼe ina fai pea mo te ako neʼe fai age kia ia ʼi muʼa ʼo tona fakanofo ko he faifekau fakaminisitelio? Neʼe tokoni feafeaʼi ʼihi ʼi te kokelekasio ke tuputupu ʼi te faʼahi fakalaumalie? Kotea te ʼu tapuakina neʼe ina maʼu ʼi tana fakaʼamu ki he ʼu pilivilesio?

Katiko 85 Pea Mo Te Faikole