Polokalama ʼo Te Vāhaʼa 7 ʼo Oketeopeli

VAHAʼA ʼO TE ʼAHO 7 ʼO OKETOPELI

Katiko 52 Pea Mo Te Faikole

□ Ako Tohi-Tapu ʼo Te Kokelekasio:

lv kap. 9 ¶1-12, te fakamatala ʼae ʼi te ʼa takai ʼi te pasina 101 (30 min.)

□ Ako Fakateokalatike:

Lau ʼo Te Tohi-Tapu: Efeso 1-6 (10 min.)

N° 1: Efeso 4:1-16 (4 min. peʼe siʼi ifo)

N° 2: Koteā ʼAe ʼe Fakafealagia Mai e Te Kātaki Fualoa ʼa Te ʼAtua?—fg p. 17, fehuʼi 4 (5 min.)

N° 3: He Koʼē ʼe Tonu Ke Tou Tekeʼi Ia Te Fehiʼa?—lv p. 82 pal. 18-19 (5 min.)

□ Fono Gaue:

Katiko 59

10 min: Te ʼu Manatu Moʼo Tufa Te ʼu Nusipepa ʼo Oketopeli. Ko he faipalalau. Ia sekonita ʼe 30 ki te 60, palalau ki te tupuʼaga ʼae ʼe fia lau ai e te hahaʼi ia te ʼu nusipepa ʼi tokotou telituale. Pea, ʼo ʼuhiga mo te manatu tafitō ʼo Te Tule Leʼo, fakaafe ia te nofoʼaki ke natou fakaha atu he ʼu manatu ʼo ʼuhiga mo he fehuʼi ʼe feala ke tou fai ki te hahaʼi ke tupu ai hanatou fia lau, pea mo he vaega ʼe feala ke lau age kia natou. Pea kotou toe fai feia ki te manatu tafitō ʼo te Réveillez-vous !. Pea kapau ʼe kei maʼu he temi, vakaʼi he tahi age alatike ʼo Te Tule Leʼo peʼe ko te Réveillez-vous !. Fai he faʼifaʼitaki ʼo te tufa ʼo te ʼu nusipepa takitahi.

10 min: Ko he akonaki ʼe ʼaoga ki te kokelekasio.

10 min: Natou ʼAe ʼe Gaue Kinakina. (1 Tes. 5:12, 13) Fakafehuʼi he ʼu tagata ʼafeā ʼe tokolua. Kotea te ʼu maʼua ʼe nā tokakaga ki ai ʼi te kokelekasio pea mo ʼihi atu maʼua? ʼE nā lava fakahoko feafeaʼi ʼonā maʼua ʼaia ʼo hilifaki ki ai ʼanā gaue fakamalama mo tonā famili? ʼE feafeaʼi tanā fakamuʼamuʼa ia te minisitelio? ʼE lagolago feafeaʼi tonā famili kia naua?

Katiko 123 Pea Mo Te Faikole