Polokalama ʼo Te Vāhaʼa 27 ʼo Sanualio
VAHAʼA ʼO TE ʼAHO 27 ʼO SANUALIO
Katiko 48 Pea Mo Te Faikole
□ Ako Tohi-Tapu ʼo Te Kokelekasio:
lv kap. 14 ¶1-9 (30 min.)
□ Ako Fakateokalatike:
Lau ʼo Te Tohi-Tapu: Senesi 17-20 (10 min.)
N° 1: Senesi 17:18–18:8 (4 min. peʼe siʼi ifo)
N° 2: ʼE Feala Koa Ke Ke Fakahā Mai Pe Kofea Ia Te Lotu Moʼoni?—fg p. 21, fehuʼi 4 (5 min.)
N° 3: ʼE Tokoni Feafeaʼi Mai Te Manavaʼofa ʼo Te ʼAtua?—lv p. 107 pal. 22-23 (5 min.)
□ Fono Gaue:
5 min: Tou Kamata He ʼu Ako Tohi-Tapu ʼi Te ʼUluaki Moeaki. Ko he akonaki. Fakamahino te ʼu fakatuʼutuʼu ʼae kua fai ki te faifakamafola ʼi te ʼuluaki Moeaki ʼo Fepualio, pea fakalotomalohi te kau faifakamafola fuli ke natou lagolago ki ai. Fai he faʼifaʼitaki nounou ʼe fakaʼaogaʼi ai te ʼu ʼuluaki palalau ʼi te pasina 4.
15 min: Kotea ʼAu Fakatuʼutuʼu Fakalaumalie? Ko he faipalalau ʼe fakatafito ki te tohi Organisés, pasina 117, palakalafe 1 ki te fakaʼosi ʼo te kapite (peʼe ko te pepa ʼe alu tahi mo Te Minisitelio ʼo Te Puleʼaga ʼo Malesio 2007, pasina 6). Fakafehuʼi he foʼi tokotahi peʼe ko he foʼi tokolua ʼi te ʼu tehina mo tuagaʼane ʼae neʼe natou fakahoko tanatou fakatuʼutuʼu ʼae ke natou pionie katoa. Neʼe fakalotomalohiʼi feafeaʼi naua ʼe ʼihi? Kotea te ʼu faigataʼaia neʼe tau mo naua? Kotea te ʼu tapuakina kua nā maʼu?
10 min: “Tou Kamata He ʼu Ako Tohi-Tapu Mo Natou ʼAe ʼe Natou Toʼo Tuʼumaʼu ʼAtatou Nusipepa.” ʼAki he ʼu fehuʼi pea mo he ʼu tali. Kole ki te nofoʼaki ke natou fakamatala pe neʼe feafeaʼi hanatou kamata he ako Tohi-Tapu mo he tahi ʼe ina toʼo tuʼumaʼu ʼatatou nusipepa.
Katiko 103 Pea Mo Te Faikole