Fakamanatu ʼo Te Ako Fakateokalatike

Ko te ʼu fehuʼi ʼaeni ʼo te fakamanatu ʼe vakaʼi anai ʼi te Ako Fakateokalatike lolotoga te vahaʼa ʼae ʼe kamata ʼi te ʼaho 24 ʼo Fepualio 2014.

1. Kotea ʼae neʼe fakaneke e Satana ia Eva ke ina tuku katoa ki ai ia tana tokaga, pea kotea ʼae neʼe fakaha e Eva ʼi tana kai te fua ʼo te fuʼu ʼakau ʼae neʼe tapuʼi age? (Sen. 3:6) [6 San., w11 1/5 p. 18-19 pal. 5]

2. Neʼe tuputupu feafeaʼi te tui ʼa Apele, pea neʼe kotea tona fua? (Sen. 4:4, 5; Hep. 11:4) [6 San., w13 1/1 p. 12 pal. 3; p. 14 pal. 4-5]

3. ʼE lava puipui feafeaʼi e te ʼu matuʼā ʼanatou fanau ke ʼaua naʼa natou leleiʼia te ʼu tagata malolohi mo “logologona”? (Sen. 6:4) [13 San., w13 1/7 p. 13 pal. 1]

4. Kotea ʼae ʼe tou ako mai te fakamatala ʼo Lote pea mo tona ʼohoana ia Senesi 19:14-17, pea mo te 26? [27 San., w03 1/1 p. 17 pal. 20]

5. Neʼe fakaha feafeaʼi e Apalahamo tana tui ki te fakatuʼuake pea mo te fakapapau ʼa Sehova ʼae ʼe hifo anai te hakoga mai ia Isaake? (Sen. 22:1-18) [3 Fep., w09 1/3 p. 10 pal. 4]

6. Kotea te ʼu moʼoni maʼuhiga ʼe feala ke tou ako mai te lea fakakikite ʼae ia Senesi 25:23, ʼae ʼe ui ai ‘ ʼe kaugana anai ia ia ʼae ʼe lahi kia ia ʼae ʼe veliveli’? [10 Fep., w03 15/10 p. 29 pal. 2]

7. Kotea te fakaʼuhiga ʼo “te tuʼuga” ʼae neʼe sio ki ai ia Sakopo ʼi tana moemisi? (Sen. 28:12, 13, MN) [10 Fep., w04 15/1 p. 28 pal. 6]

8. He ko ʼe neʼe faiga fakamalotoloto e Lapane ke ina maʼu te ʼu telafime ʼae neʼe kaihaʼa? (Sen. 31:30-35) [17 Fep., w04 1/6 p. 29 pal. 2]

9. Kotea ʼae ʼe tou ako mai te tali neʼe fai e te ʼaselo kia Sakopo, ʼe tuʼu ia Senesi 32:29? [24 Fep., w09 1/5 p. 23 pal. 14]

10. Kotea ʼae ʼe feala ke tou fai ke mole hoko kia tatou te ʼu aluʼaga ʼae neʼe hoko kia Tina? (Sen. 34:1, 2) [24 Fep., w01 1/8 p. 20]