He Meʼa Gaue Foʼou Moʼo Fai ʼAki Te ʼu Fekumi

Toko lauʼi miliona te ʼu tehina ʼi te malamanei katoa, ʼe natou fakaʼaogaʼi lelei ia te meʼa gaue ʼae ko te Index des publications des Témoins de Jéhovah moʼo fai ʼaki te ʼu fekumi. Mai tona aluʼaga ʼae ʼe fakamatalatala leleiʼi, ʼe mole feala ke maʼu ʼi te ʼu lea fuli. Koia, ko te tohi Kumiʼaga Tohi maʼa te kau Fakamoʼoni ʼa Sehova, neʼe teuteuʼi ia teitei lea ʼe 170. Ko te ʼu tohi ʼae ʼe tuʼu ʼi te Kumiʼaga Tohi ʼe ko te ʼu tohi talu mai te taʼu 2000 ʼo kaku mai ki te ʼaho nei. Neʼe mole ta ia te tohi Kumiʼaga Tohi ʼi te ʼu lea ʼae neʼe kua ta ai te Index kaʼe ʼe kua maʼu ʼi te Neti. ʼE tokoni mai anai ia te tohi Kumiʼaga Tohi moʼo fai ʼaki he ʼu fekumi ke tou maʼu ia te ʼu tali ki te ʼu fehuʼi Fakatohi-tapu. Ohage la, ʼe feala ke tou maʼu ai he ʼu tokoni ki totatou maʼuli takitokotahi, mo te teuteuʼi ʼo ʼatatou fono pea mo tatatou ako fakafamili.