Meʼa Gaue Ki Te ʼu Fekumi

’E foaki mai e Sehova he ’u me’a gaue ’e aoga ki te faiako, ohage la ko te ’u ’ata viteo, te ’u pepa lotu, te ’u nusipepa, te ’u kaupepa, te ’u tohi, pea tatatou me’a gaue tafito ko te Tohi-Tapu. (2Ti 3:16) ’E ina toe foaki mai he ’u me’a gaue ki te ’u fekumi, ke tou popoto ’i te fakamahino te Tohi-Tapu, ohage la ko te Tanakiʼaga Tohi ʼi Te Neti, mo te application JW Library^® pea mo te Kumiʼaga Tohi ’a te kau Fakamoʼoni ʼa Sehova.

’E ke fiafia anai ’i tau ma’u ai he ’u koloa fakalaumalie. ’E lelei ke ke ako’i ki tau kau ako ke natou popoto ’i te faka’aoga’i te ’u me’a gaue ’aia. Kapau ’e ke fai feia, ’e natou fiafia anai mo natou ’i tanatou ma’u te ’u tali ki ’anatou fehu’i Fakatohi-tapu.

VAKAʼI TE ʼATA VITEO ʼE TOU FIAFIA ʼI TE FAI ʼO NI TISIPULO MOKA TOU TALI TE TOKONI ʼA SEHOVA: TE ʼU MEʼA GAUE KI TE ʼU FEKUMI PEA MO TALI KI TE ʼU FEHUʼI ʼAENI:

• 

  Ne’e kotea te manatu ’a Jade ’o ’uhiga mo te ’u me’a ’ae ne’e fakatupu?

• 

  Ne’e ma’u ’ifea e Neeta ia te ’u manatu ’e ’aoga mo’o tokoni kia Jade?

• 

  Ne’e feafea’i tana filifili te ’u manatu ’ae ’e aoga mo’oni kia Jade?

• Kotea ’ae ne’e logo’i e Neeta ’i tana faka’aoga’i lelei te ’u me’a gaue ki te ’u fekumi?