Tali Te Tokoni ʼa Sehova ʼAki Te Faikole

Ko Sehova ʼae ʼe ina fakatuputupu ia te moʼoni ʼi te loto ʼo te tagata. (1Ko 3:6-9) Koia ʼae ʼe maʼuhiga ai ke tou falala kia Sehova, ke tokoni mai kia tatou pea mo ʼatatou kau ako.

Kole kia Sehova ke tokoni ki ʼakotou kau ako ke natou lava tauʼi te ʼu fakaneke pea mo ʼonatou fihifihia. (Flp 1:9, 10) Vetevete ia meʼa fuli kia Sehova. Kole age ki ai tona laumalie maʼoniʼoni ke ina takitaki takotou fakakaukau pea mo takotou gaue. (Luk 11:13) Kotou akoʼi ki ʼakotou kau ako te faikole pea mo fakalotomalohiʼi natou ke natou faikole. Ka kotou faikole mo natou kotou toʼo ʼonatou higoa.

SIOʼI TE ʼATA ʼE TOU FIAFIA ʼI TE FAI ʼO NI TISIPULO MOKA TOU TALI TE TOKONI ʼA SEHOVA ’I TE FAIKOLE, PEA MO TALI KI TE ʼU FEHUʼI:

• Kotea te fihifihia neʼe tau mo Neeta ʼi tana fai te ako ʼa Jade?

• Neʼe ʼaoga feafeaʼi kia Neeta ia 1 Kolonito 3:6?

• Neʼe fakatokatoka feafeaʼi ia te fihifihia ʼo Neeta?