Lagaʼi Ni Fehuʼi

Ko Sehova ʼe ko te “ ʼAtua fiafia.” Pea ʼe ina loto ke tou fiafia ʼi te faifakamafola. (1Ti 1:11) Ka lahi tatatou faiva ʼi te minisitelio, pea ʼe toe lahi age te fiafia ʼe tou maʼu ai. Ka tou lagaʼi ni fehuʼi ʼe fakatupu ʼaki ai he fia logo ʼa he tahi pea ʼe feala ke kamata ai he faipalalau. Pea ka tou fai feia, ʼe uga ai ia ia ʼae ʼe tou faipalalau ke fakakaukau. (Mat 22:41-45) Ka tou lagaʼi ni fehuʼi ki he tahi pea mo tou fakalogo ʼana tali, ʼe tou fakaha ai ʼe maʼuhiga ia ia kia tatou. (Skp 1:19) ʼAki ʼana tali, ʼe tokoni mai anai ke tou iloʼi te meʼa ʼae ka tou palalau ki ai.

VAKAʼI TE ʼATA VITEO ʼE TOU FIAFIA ʼI TE FAI ʼO NI TISIPULO MOKA TOU FAIVA ʼI TE LAGAʼI NI FEHUʼI, PEA MO TALI KI TE ʼU FEHUʼI ʼAENI:

• 

  Kotea te ʼu kalitate neʼe fakaha e Jade?

• 

  Kotea te ʼu fehuʼi neʼe fai e Neeta ʼe ha ai ia tana lototokaga?

• 

  Kotea te ʼu fehuʼi neʼe fai e Neeta neʼe tupu ai te fia logo ʼa Jade ki te logo lelei?

• 

  Kotea te ʼu fehuʼi neʼe fai e Neeta neʼe tokoni kia Jade ke fakakaukau?