Tou Tokoni Ki ’Atatou Kau Ako Tohi-Tapu Ke Natou Felogoi Totonu Mo Sehova

ʼE loto Sehova ke tou tauhi age ʼuhi he ʼe tou ʼoʼofa kia te ia. (Mat 22:37, 38) Ko te ʼofa ʼo te ʼAtua ʼae ka ina foaki te malohi ki te kau ako ke natou fai ni fetogi, pea ke natou lava tauʼi te ʼu fihifihia. (1So 5:3) Ko tonatou ʼofa ʼae ki te ʼAtua ʼae ka ina uga ai natou ke natou papitema.

Tokoni ki ʼakotou kau ako ke natou iloʼi ʼe ʼofa moʼoni te ʼAtua ia natou. Kotou fai age te ʼu fehuʼi ʼaeni: “Kotea ʼae ʼe ke ako ʼuhiga mo Sehova?” peʼe “Kotea ʼe ha ai ʼe ʼofa te ʼAtua ia koe?” Tokoni kia natou ke natou sio pe ʼe tokoni feafeaʼi Sehova kia natou. (2Kk 16:9) Vaevae mo natou he ʼu aluʼaga neʼe tali ai e Sehova ki ʼakotou faikole. Pea kotou fakalotomalohiʼi natou ke natou tokagaʼi te tali ʼa Sehova ki ʼanatou faikole. ʼE tou fiafia ʼi tatatou iloʼi ʼae ʼe logoʼi e te kau ako ʼe ʼofainaʼi natou e Sehova, pea ʼi tanatou toe fakaha tanatou ʼofa ʼae kia te ia ʼi tanatou fia liliu ko ʼona kaumeʼa.

SIOʼI TE ʼATA TOU TOKONI KI ’ATATOU KAU AKO TOHI-TAPU KE NATOU FELOGOI TOTONU MO SEHOVA, PEA MO TALI KI TE ’U FEHU’I:

• 

  Kotea te faigataʼaʼia ʼae neʼe tau mo Jade?

• 

  Neʼe tokoni feafeaʼi ia Neeta kia Jade?

• 

  Kotea ʼae neʼe tokoni kia Jade ke ina lava tauʼi tona faigataʼaʼia?