ʼE Gaue Koa Te Folafola ʼa Te ʼAtua ʼi Tokotou Maʼuli ʼi Te ʼAho Fuli?

ʼE feala ke tokoni mai te lau ʼo te Tohi-Tapu ʼi te ʼaho fuli ke tou “tauaka” pea mo “tuu malohi i te tui.” (Kol. 2:6, 7) Kaʼe, ʼe tonu ke tou metitasio mo maʼuliʼi ʼana pelesepeto ke feala he gaue ʼa te Folafola ʼa Te ʼAtua ʼi totatou maʼuli. (Hep. 4:12; Sakp. 1:22-25) ʼE tou maʼu ia Sosue 1:8 ia te ʼu faʼahi ʼaeni ʼe tolu, ʼe tokoni mai anai ʼi tatatou lau te Tohi-Tapu: (1) Tou lau te Folafola ʼa Te ʼAtua ʼi te ‘ ʼaho mo te po.’ (2) Tou lau ‘leʼo veliveli,’ ke feala hatatou metitasio mo fakakaukauʼi te ʼu manatu ʼe tou lau. (3) Tou fakakaukau lelei “ki te u mea fuli e tuu i ai.” Kapau ʼe tou mulimuli ki te ʼu faʼahi ʼaia, ʼe tou ‘fiafia’ mo ‘aga fakapotopoto’ anai ʼi totatou maʼuli ʼi te ʼaho fuli.