KE LELEI AGE TATATOU FAIFAKAMAFOLA Ke Malave Te Loto ʼo Te Hahaʼi ʼAki Te Tohi “Kotou Haga Nonofo ʼi Te ʼOfa ʼo Te ʼAtua”

HE KOʼE ʼE MAʼUHIGA? ʼE tonu ki te hahaʼi ke natou ako te ʼu pelesepeto ʼa Sehova pea mo maʼuliʼi ke feala ke tali tanatou tauhi kia te ia. (Esa 2:3, 4) Ko te tohi “Te ’Ofa ’o Te ’Atua,” ʼe ko te lua tohi ʼaia ʼe feala ke tou fakaʼaogaʼi moʼo hoko atu te ʼu ako. Pea ʼe tokoni ki te kau ako ke natou mahino pe ʼe feafeaʼi hanatou maʼuliʼi te ʼu pelesepeto ʼa te ʼAtua ʼi te ʼaho fuli. (Hep 5:14) ʼE tonu ke tou faigaʼi ke malave ki te loto ʼo ʼatatou kau ako moka tou faiako mo natou. ʼI tatatou fai te faʼahi ʼaia, ʼe uga ai anai natou ke natou fai ni fetogi ʼi ʼonatou maʼuli.—Lom 6:17.

TE ʼU MEʼA ʼAE ʼE TONU KE KE FAI:

• Teuteuʼi lelei te ako mo manatuʼi tuʼumaʼu te meʼa ʼae ʼe ʼaoga kia ia ʼae ʼe ke ako. Lagaʼi ni fehuʼi ʼe feala ke ke iloʼi ai tana manatu. ʼE tokoni atu anai ke ke iloʼi ʼana manatu mo te ʼu meʼa ʼae ʼe ina logoʼi ʼo ʼuhiga mo te faʼahi ʼe kolua ako. —Taa 20:5; be p. 259

• Fakaʼaogaʼi te ʼu fakamatala ʼae ʼi te ʼa takai ke tokoni kia ia ʼae ʼe ke ako ke ina tokagaʼi te maʼuhiga ʼae ke ina maʼuliʼi te ʼu pelesepeto ʼo te Tohi-Tapu

• Tokoni ki tau ako ke ina toʼo e ia totonu ʼana tonu kaʼe mole ko koe ʼae ʼe ke toʼo te ʼu tonu maʼa ia.—Kal 6:5

• ʼAki he aga fakaʼeteʼete, tokoni ki tau ako ke ina maʼuliʼi ʼihi pelesepeto ʼo te Tohi-Tapu. Fakalotomalohiʼi ia ia ʼaki he agalelei, ke ina fai ni fetogi ʼuhi ko tona ʼofa kia Sehova.—Taa 27:11; Soa 14:31