TE ʼU KOLOA ʼO TE TOHI-TAPU | ESAIA 1-5
‘Tou Hahake Fakatahi Ki Te Moʼuga ʼo Sehova’
“I te u aho fakamuli” |
Ko te temi ʼae ʼe tou maʼuʼuli ai nei |
“Te mouga o te fale o [Sehova]” |
Ko te tauhi maʼoluga mo maʼa ʼa Sehova |
“E tau mai anai ki ai te u puleaga fuli” |
ʼE logo tahi ia natou ʼae ʼe natou kau ki te tauhi maʼa |
“Koutou omai, pea ke tou hahake fakatahi ki te mouga o [Sehova]” |
ʼE fakaafe e te kau atolasio moʼoni ia niʼihi ke fakatahi age kia natou |
“[ʼE] ina ako mai kia tatou ona ala, pea ke tou haele i ona ala liliki” |
ʼAki tana Folafola, ʼe akoʼi mo tokoni mai ai ia Sehova ke tou haʼele ʼi ʼona ala |
“E mole toe ako anai te tau” |
Neʼe talanoa ia Esaia ki te fetogi ʼo te ʼu mahafu tau ʼaki ni meʼa gaue kele, ʼo ha ʼaki ai ʼe kumi e te hahaʼi ʼa Sehova te tokalelei. Neʼe kotea te ʼu meʼa gaue ʼaia ʼi te temi ʼo Esaia? |
“Ni piosi aki anatou heleta” peʼe tuki ʼanatou heleta ke liliu ko he ʼu huo laga kele |
1 Ko te huo laga kele ʼe ko he koga ia ʼo te saliote ʼae ʼe fakaʼaogaʼi moʼo fakamalū te fuga kele. ʼI ʼihi temi ʼe fai ʼaki te ukamea.—1Sa 13:20 |
“Ni hele gaue aki anatou tao” peʼe ko ʼanatou tao ke liliu ko he ʼu pipi moʼo pakimaga |
2 Ko he tao ʼe lagi ko he hele ukamea ʼe faigafua tona fakaʼaogaʼi. Pea ʼe fakaʼaogaʼi te meʼa gaue ʼaia moʼo tuʼusi ʼaki te ʼu fuʼu vite.—Esa 18:5 |