TE MAʼULI FAKAKILISITIANO
ʼE Feafeaʼi Hata Liliu Ko He Tahi ʼe Ina Ako Fakamalotoloto Te Tohi-Tapu
ʼE kotou fia nonofo agatonu koa ohage ko Taniela moka hoko he ʼu ʼahiʼahi? Ko Taniela neʼe ko he tahi neʼe ina ako fakamalotoloto te tohi-Tapu, ʼo kau ai mo te ʼu lea fakapolofeta. (Tan 9:2) Ko te ako fakamalotoloto ʼo te Tohi-Tapu ʼe tokoni ki tatatou nonofo agatonu. ʼO Feafeaʼi? ʼE feala ai ke tou fakamalohiʼi tatatou tui ki te hoko moʼoni anai ʼo te ʼu fakapapau ʼa Sehova. (Sos 23:14) Pea ʼe toe fakamalohiʼi ai totatou ʼofa ki te ʼAtua, pea ʼe uga ai tatou ke tou fai te meʼa ʼae ʼe lelei. (Ps 97:10) Kotea ʼae ʼe tonu ke au kamata ʼaki? Tou vakaʼi te ʼu tokoni ʼaeni.
Kotea ʼae ʼe tonu ke au ako? Ko te ako ʼo te Tohi-Tapu ʼe tonu ke liliu ko he aga mahani. Pea ʼe kau ki ai te teuteuʼi ʼo te ʼu fono ʼo te kokelekasio. Ko te lau ʼo te ʼu koga Tohi-Tapu ʼo te vahaʼa ʼe fua lelei anai mo kapau ʼe ke toʼo he temi moʼo fai he ʼu fekumi ki he ʼu puani neʼe mole ke mahino ki ai. Ko ʼihi neʼe natou filifili ke lahi age tanatou ako ʼo ʼuhiga mo he lea fakapolofeta Fakatohi-tapu, peʼe ko te fua ʼo te laumalie maʼoniʼoni ʼo te ʼAtua peʼe ko te ʼu folau fakamisionea ʼa te apositolo ko Paulo, peʼe ʼo ʼuhiga mo te fakatupu ʼa Sehova. Kapau ʼi te lolotoga ʼo te ʼaho ʼe ke manatu ki he puani Fakatohi-tapu, tohi ki he moʼi pepa pea hoki ke vakavakaʼi leva ʼi tau ako tokotahi.
ʼE feala ke au fai ʼifea te ʼu fekumi? Ke feala ke tokoni atu, sioʼi te ʼata viteo Ko Te ʼu Meʼa Gaue Moʼo Kumi ʼo Te ʼu Koloa Fakalaumalie. Ke lahi age tau ako, fai he ʼu fekumi pe ko ai te ʼu malohi fakamalamanei ʼae ʼe fakata e te ʼu manu ʼo te kapite 7 ʼo Taniela.
Ko temi ʼe fia ʼe tonu ke au fakaʼaogaʼi ki taku ako? Ko he ako ʼe fai tuʼumaʼu ʼe fua lelei anai ʼi te faʼahi fakalaumalie. ʼE feala ke ke kamata ʼo toʼo he ʼu kiʼi temi nounou pe. Pea ʼaki te temi ʼe feala leva ke fuafualoa atu. Ko te ako ʼo te Tohi-tapu ʼe hage pe ko he kumi ʼo he koloa fufu. Ka lahi tau ʼu fekumi pea ʼe toe lahi age anai tau fia kumi te ʼu koloa. (Taa 2:3-6) Koia, kapau ʼe ke fai feia, ʼe tuputupu anai tau leleiʼia ia te Folafola ʼa te ʼAtua. Pea ko tau ako ʼo te Tohi-Tapu ʼe ko hau aga mahani ʼe tuʼumʼau.—1Pe 2:2.
ʼI TE KAPITE 7 ʼO TANIELA, KOTEA ʼAE ʼE FAKATA E TE ʼU MANU?
TAHI FEHUʼI:
Neʼe hoko feafeaʼi ia Taniela 7:8, 24?
TAHI FEHUʼI:
ʼI te kapite 13 ʼo Fakaha, kotea ʼae ʼe fakata e te ʼu manu?