Te Fakagafua Fakapuleʼaga ʼo Te Gaue ʼi Québec

ʼI te fakamauʼi ʼo Paulo, neʼe fai tana tagi kia Sesale. Pea ʼaki tana fakaʼaogaʼi ʼona faigamalie ʼi tona ʼuhiga tagata Loma, neʼe ina tuku mai ai he faʼifaʼitaki kia tatou ia ʼaho nei. Vakaʼi te ʼata viteo Te Fakagafua Fakapuleʼaga ʼo Te Gaue ʼi Québec, pea kotou taʼofi mai ai ni ako, pe neʼe feafeaʼi te fakaʼaogaʼi e ʼotatou tehina te Lao ke haofaki ai te logo lelei ʼi Québec. Pea tali ki te ʼu fehuʼi ʼaeni:

• Kotea te ʼu faigataʼaʼia neʼe tau mo ʼotatou tehina ʼi Québec?

• Kotea te pepa lotu makehe ʼae neʼe natou tufa? Neʼe kotea ʼona fua?

• Kotea ʼae neʼe hoko ki te tehina ko Aimé Boucher?

• Kotea te tonu ʼae neʼe fai e te Fakamauʼaga Lahi ʼo Canada ʼo ʼuhiga mo te tehina Aimé Boucher?

• Ko te lao fea ʼae neʼe fakaʼaogaʼi e te ʼu tehina? Neʼe kotea ʼona fua?

• Kotea ʼae neʼe hoko ʼi te taʼofi ʼo te fono e te kau polisi ʼae neʼe fakakoviʼi e te kau patele?