“ ʼE Mole Tou Tuku Anai”

4:16-18

Fakakaukau age muʼa, ko he ʼu famili ʼe lua ʼe maʼuʼuli fakatahi ʼi te ʼapi pe ʼe tahi pea ʼe kua popo. Ko te tahi famili ʼe natou lotomamahi. Kae ko natou ʼae ʼe lotofiafia. Kotea tona tupuʼaga? Koteʼuhi ʼe kua vave hiki ia te famili ʼaia ki te tahi ʼapi foʼou mo matalelei.

ʼE ui fenei ia Loma 8:22: “ ʼE haga lauga pea mo mamahi fakatahi ia te fakatupu katoa, ʼo kaku mai ki te temi nei.” Logo la te faʼahi ʼaia, kae ʼe lotomalohi ia te ʼu kaugana ʼa te ʼAtua ʼuhi ko te ʼamanaki. ʼE tou iloʼi ko te ʼu faigataʼaʼia ʼae ʼe tou tau mo ia nei pea mo ʼae talu mai fualoa, ‘ ’e fakatemi pe mo maʼamaʼa.’ Kae, ʼe feafeaʼi age la te maʼuli heʼe gata ʼi te malama foʼou ʼae ka fakatuʼu anai e te ʼAtua. Koia, ka tou sio fakamamaʼu ki te ʼu tapuakina ka foaki mai e te Puleʼaga ʼo te ʼAtua, ʼe tou taupau ai totatou fiafia ʼo maʼu ai te faʼa kataki.