TE MAʼULI FAKAKILISITIANO
ʼU Matuʼā, Kotou Tokoni Ki ʼAkotou Fanau Ke Natou Maʼu Ia Te Poto ʼAe ʼe Haʼu Mai Te ʼAtua
Kapau ʼe loto e te ʼu matuʼā ke maʼu e ʼanatou fanau ia te poto ʼae ʼe haʼu mai te ʼAtua, ʼe tonu ke natou tokoni kia natou ke natou fagono lelei ki te ʼu fono. ʼE feala ki te kau tupulaga ke natou iloʼi lelei ia Sehova pea mo kaumeʼa mo ia, mo kapau ʼe natou fagono lelei ki te ʼu tali ʼae ʼe fai ʼi te ʼu fono. (Tet 31:12, 13) Kotea ʼe feala ke ke fai ke maʼu e tau fanau ia te ʼu lelei ʼi te ʼu fono?
Faiga ke ke kau ki te ʼu fono ʼi te fale fono.—Ps 22:22
Toʼo he temi ke ke faipalalau mo te ʼu tehina mo tuagaʼane ʼi muʼa peʼe ʼi te hili ʼo te ʼu fono.—Hep 10:25
Tokaga ke natou tahi maʼu te tohi ʼae ʼe akoʼi ʼi te fono, pe ʼi tana tablette peʼe ko tana telefoni
Tokoni ki tau fanau ke ina teuteuʼi hana tali.—Mat 21:15, 16
Fai he ʼu palalau fakalotomalohi ʼo ʼuhiga mo te ʼu fono pea mo te ʼu akonaki
Tokoni ki ʼau fanau ke natou fai te ʼu gaue ʼa te kokelekasio, ohage la ko te fakamaʼa ʼo te fale fono peʼe ke faipalalau mo te kau matuʼatuʼa ʼo te kokelekasio
ʼE mole faigafua tau tokoni ki ʼau fanau ke natou ʼoʼofa kia Sehova. Kae ʼe tonu ke ke falala ki te tokoni ʼa Sehova.—Esa 40:29.
SIOʼI TE ʼATA ʼU MATUʼĀ KOTOU FALALA KIA SEHOVA MO TONA MALOHI PEA MO TALI KI TE ʼU FEHUʼI ʼAENI:
Kotea ʼae neʼe logoʼi e Zack mo tona ʼohoana ʼuhi ko tanā kua gaʼegaʼe?
He koʼe ʼe lelei ke kole e te ʼu matuʼā kia Sehova ia tona malohi?
Kotea ʼae neʼe fai e Zack mo tona ʼohoana ʼe ha ai tanā falala kia Sehova?