9-15 SUNIO
TAʼAGA LEA 17
Katiko 157 Pea Mo Te Faikole | Fakaha Te Polokalama (1 min.)
Ko he taumatuʼa Iselaele ʼe nā kai pe te meʼa ʼe nā maʼu ʼi te tokalelei mo te fiafia.
1. Ke Tokalelei Tokolua ʼOhoana
(10 min.)
ʼE ʼaoga he ʼu gaue moʼo taupau maʼu te tokalelei pea ko ʼau faiga ʼe mole alu noa anai (Taa 17:1; vakaʼi te pāki ʼo te takafi)
ʼAua naʼa ke ita ki he ʼu kiʼi meʼa laulaunoa pe (Taa 17:9; g 9/14 11 ¶2)
Taupau tou lotololomi (Taa 17:14; w08 1/5 10 ¶6–11 ¶1)
2. Koloa Fakalaumalie
(10 min.)
Taa 17:24—He koʼe “ʼe sio te vale ia ki te potu taupotu ʼo te kele”? (it-2 432-433 ¶8)
ʼI te lau te Tohi-Tapu ʼo te vahaʼa ʼaeni, kotea te ʼu koloa fakalaumalie neʼe ke maʼu?
3. Lau ʼo Te Tohi-Tapu
(4 min.) Taa 17:1-17 (th ako 10)
4. Kamata He Faipalalau
(3 min.) FAIFAKAMAFOLA FAIGAMALIE. (lmd ako 3 manatu 5)
5. Kamata He Faipalalau
(4 min.) FAILAUPAPA. Fehuʼi ki he tahi pe ʼe ina fia ako te Tohi-Tapu. (lmd ako 6 manatu 4)
6. Akonaki
(5 min.) ijwbv alatike 60—Kupu Tafito: ʼE Fakaʼuhiga Kitea Ia Taʼaga Lea 17:17? (th ako 13)
Katiko 113
7. Ke Kotou Maʼu He ʼu Agamahani ʼe Kotou Felogoi Lelei Ai
(15 min.) Faipalalau.
ʼE maʼuhiga he ʼu felogoi lelei ke fiafia ai te maʼuli fakafamili. Kapau ʼe felogoi faʼifaʼitaliha te famili katoa, ʼe feala hanatou fakahoko ʼanatou fakatuʼutuʼu pea mo felagolagoʼaki ʼi te ʼu te temi faigataʼa. (Taa 15:22) ʼE ke lava tokoni feafeaʼi kia natou ʼo tou famili ke natou fakaha faʼifaʼitaliha ʼanatou manatu?
Toʼo he temi ke ke fakatahi ai mo tou kiʼi famili. (Tet 6:6, 7) Kapau ʼe kau fakatahi te kiʼi famili ki te ʼu fono mo te faifakamafola, pea mo fakafiafia fakatahi, ʼe malohi ai anai tanatou femaʼuʼaki te ʼofa mo te falala. Pea ʼe natou maʼu ai honatou temi faipalalau faʼifaʼitaliha. ʼI ʼihi temi, ʼe mole ke fai te ʼu meʼa ʼae ʼe ke loto ki ai, kae ʼe ke fakamuʼamuʼa te ʼu meʼa ʼae ʼe loto ki ai tou famili. Ka ke fai te faʼahi ʼaia, ʼe fua lelei anai ki tou kiʼi famili. (Flp 2:3, 4) ʼE feafeaʼi tau fakaʼaogaʼi lelei tou temi moka ke fakatahi mo tou famili?—Efe 5:15, 16.
Fakahaʼele te ʼATA VITEO Tou Maʼuliʼi Te Tokalelei ʼi Te Famili—Ke Lelei Age ʼAtatou Felogoi. Fehuʼi ki te nofoʼaki:
Kotea ʼae ʼe feala ke hoko ki te ʼu felogoi fakafamili moka ʼe tou fakaʼaogaʼi lahi fau te ʼu kiʼi masini toʼotoʼo?
Kotea te tahi ʼu ako neʼe ke maʼu mai te ʼata ʼaeni ʼo ʼuhiga mo te ʼu felogoi fakafamili?
Fagono lelei. (Skp 1:19) ʼU matuʼā, ʼe feala ke fakaha faʼifaʼitaliha atu e ʼakotou fanau ʼanatou manatu mo kapau ʼe mole kotou mahino hala peʼe kotou fakamauʼi natou. Koia kotou faiga ke mole kotou iita mo kapau ʼe ui atu e takotou fanau ia he meʼa ʼe kotou tuʼania ai. (Taa 17:27) ʼE lelei age hakotou lotomahino moka kotou fagono ki ai. Kotou faiga ke kotou mahino ki ʼana manatu mo te ʼu meʼa ʼae ʼe ina logoʼi. ʼE feala ʼaki ai ke kotou fakalotofimalieʼi mo tokoni ki ai ʼaki te ʼofa.
8. Ako Tohi-Tapu ʼo Te Kokelekasio
(30 min.) bt kap. 27 ¶19-22, ʼa takai ʼi te p. 212